رئيس التحرير أحمد متولي
 محمد الباز يهاجم عادل إمام: «أفلامه أضرت بالأجيال.. ومش هنسكت على دور البلطجي تاني» (فيديو)

محمد الباز يهاجم عادل إمام: «أفلامه أضرت بالأجيال.. ومش هنسكت على دور البلطجي تاني» (فيديو)

انتقد الإعلامي محمد الباز، الفنان عادل إمام وما قدمه بالسينما المصرية، قائلا: «عادل إمام أضر الأجيال المصرية ضررا بالغا  بأفلامه».

وقال الباز خلال حلقته ببرنامج 90 دقيقة، المذاع على قناة المحور، مساء الثلاثاء، «الزعيم كان بييجي في أول الفيلم صعلوك ممعهوش حاجة، وبعدين بالسرقة والنصب والتجارة في الممنوع، يبقى راجل مليونير ويهزم الناس ويطلع هو سليم، ده اللي قدمه كنموذج»

 وأضاف مقدم برنامج 90 دقيقة، «كل الناس عاوزه تبقي كده بسهولة شديدة جدا، ومع احترمنا للاستاذ عادل إمام بس دي معظم الأفلام اللي قدمها الصعلوك اللي لا متعلم وبعدين يكون البطل المليونير»

وتابع الباز: «احنا محتاجين سلسلة أفلام عن البطولات المصرية، لابد أن تكون الأولوية فى إنتاج الأفلام للحجات المهمة اللي تخلي الشباب اللي ضاع يلتفت ان في أبطال حقيقين في البلد».

وأكمل الباز، «مش هينفع الأبطال اللى طالعين في السينما كفاية بقى، نريد ان نكتب نهاية لعصر عبده موته فى الحياة، كفاية عبده موته بقى، محمد رمضان مع نفسه بيغني وبيلحن، بيقلع او يلبس هدومه مع نفسه، احنا بنتكلم على شباب وأجيال محتاجين تكلمهم بلغاتهم فتعملهم افلام تجبلهم العاب تروحلهم على السوشيال ميديا، علشان الشباب ميفلتوش مننا، ونرجع نقول هما معندهمش انتماء ليه، ومبخفوش على بلادهم ليه، هما الولاد بيهتفوا ضد بلادهم ليه، مينفعش ان عبده موته البلطجي يكون القدوة والمثل للشاب».

عمر مصطفى

عمر مصطفى

صحفي مصري يقيم في محافظة الجيزة ومتخصص في ملف التعليم وكتابة الأخبار العاجلة منذ عام 2011