السيسي: «اللي يتكلم معايا في قضية يبقى فاهم علشان ميضيعش وقتي ووقته»
أجاب الرئيس على بعض الأسئلة خلال الندوة التثقيفية للقوات المسلحة، اليوم الأحد، المتعلقة بسد النهضة والتحديات التي تواجه مصر الفترة الحالية.
وقال الرئيس: «انا كنت مهتم بمصر وانا صغير قوي، وقارئ قوي عنها لما بقعد مع حد واتكلم معاه اذا مكانش الكلام مليان واستفيد منه يبقى انت بضيع وقتي وقتك لابد ان تكون ملم بالقضية كويس،».
وأضاف: «لما تيجي تكلمني في المية لازم تكون عارف تفاصيل كتير جدا عنها لأني ممكن اخد منك فكرة واشتغل عليها، كنت قاعد مع حد في مؤتمر قالي يا فندم لازم تزود بطاقة التموين، قولتله حاضر كام؟ قالي 1000 جنيه على الفرد قولتله كويس انت عارف الـ 10 جنيه تكلف كام مش الف العشرة تكلف 8 ونص مليار جنيه في السنة ولو هزودهم 30 جنيه هيكون 25 مليار جنيه يعني الألف 70 مليار».
وتابع السيسي: «فلازم الحوار اللي بينا يكون ثري ومتكامل أنا مبستكترش نفسي على حد في الكلام، اللى يقعد معايا يبقى عارف القضية كويس علشان لما يوقلي كلام وانا مش فاهمه وواوافقه عليه هنلخبط الدنيا».
وعن أزمة المية وسد النهضة قال: «احنا كدولة عملنا ايه من 2014 إلى اليوم الموضوع مكانش عبارة عن إجراءات للتفاوض حجم المية اللى متاح لينا مبقاش كافي لينا دلوقتي حصة المية لما كنا 15 مليون و100 مليون لم تعد تكفينا».
وأشار: «دخلنا في حالة الفقر المائي للإنسان أي 500 متر في العام للفرد، كدولة عملنا خطة منذ 2014 نفذنا منها ما يقرب من 200 مليار جنيه من خلال معالجة المياة»، قائلا إنه اتفق مع رئيس وزراء إثيوبيا للجلوس في موسكو لحل أزمة سد النهضة.
وأعلن: «تم علم محطات معالجة وإعادة تدوير المياه لاستخدام الماء أكثر من مرة، وإنشاء حجم ضخم من محطات تحلية المياه في الجلالة، والعلمين، شرق بورسعيد، وفي السخنة بحجم 150 ألف متر مكعب، أي مليون ونص متر في اليوم، ودعم هذا المشروع بحلول 2037سيصل الرقم إلى 900 مليار جنيه».
وعن تسلح الجيش في مصر بمعدات متقدمة، قال: «احنا مش دولة معتدية أحنا دولة عاوزه تحافظ على أرضها وأمنها القومي ومصالحها فكان لابد للجيش من الحصول على معدات تمكنه من الحفاظ على أمن مصر، جويشنا قادر وترتيبه متقدم جدا».
وعن ما يحدث في المنطقة، قال: «مين اللى عمل كده في سوريا، اللى عمل كده اهلها، متمسش مؤسسات بلد من أول الرئاسة إلى أصغر مؤسسة، عندك قانون عليك اللجوء له، كله يزول إلا مصر، اذا كانت سلامتة مصر مرتبطة بيا أنا فأنا أرخص تمن أقدمه، فممكن من غير ما تقصدوا تضيعوهم».
وقال: «اللى بيحصل في الدول المجاورة حدث بيد أهلها وتدخل الدول فيها لم يأتي الا بعد انهيار جيشو تلك الدول، والجامعة العربية رفضت الهجوم على سوريا باستثناء بعض الدولة واحد او اتنين».
