حسني مبارك يوجه رسالة للشباب.. ماذا قال؟ (فيديو)
قال الرئيس الأسبق حسني مبارك، إن مصر تشهد الاحتفال بعيد الذكرى 46 لانتصارت حرب أكتوبر، ووجه رسالة في فيديو منشور عبر موقع «يوتيوب»، للشباب قائلا: يجب على الشباب أن يعلموا التضحيات التي قدمها جيل أكتوبر حتى يمحوا أثار الهزيمة وحتى تستعيد القوات المسلحة ثقتها في نفسها، ويستعيد الشعب ثقة في القوات المسلحة.
وأضاف أن الرئيس أنور السادات، هو صاحب قرار الحرب، وكان يتميز بالشجاعة، كما أن حرب67 لم تكن حرب بمفهوم الحروب المعروفة، هي حرب تم ضرب قواتنا خلالها دون سابق إنذار وبدون خطة.
وتابع: «على أي حال اللى انا متذكره ان انا كنت في طلعة علمليات في نص مايو ورجعت المطار، يوم 3 يونيو جالنا مندوب من القيادة العامة قنبقوله ايه المضووع قال في مظاهرة سياسية وبنودي قوات في سيناء قالولنا مفيش حاجة ادوا اجازات».
وأضاف: «قولتلهم استنوا شوية لان إسرائيل أعلنت الاستدعاء الاحتياطي يوم 6 يونيو قولت نطلع نطير ونمشي نفسنا شوية الطيارين بقالهم 15 يوم محدش بيطير، ويوم 5 يوليو طلعنا 3 طيارات واخترقنا السحب تفاجئنا انهم بيقولوا الطيران بينضرب وهجموا على المطار، قولت اعمل ايه اتصلت بالجيش في اليادة العامة قالوا انزل فين؟ قالولنا هنديك خبر اتصلت تاني قالوا هنديك خبر، فنزلت في الأقصر».
وأشار: «يدوب فترة قصيرة الطيران السرئايلية ضربت 3 طيارات في الأقصر، اصيبنا بصدمة لان الطيارات راحت والسلاح بتاعنا راح الساعة 11 أو 12، ركبا قطر الساعة 6 وصلنا بني سويف».
وذكر: «بعد كده طيارات مقاتلات انضربت والجيش كان بيجري ومفيش خطة انسحاب، والمعدات اتدمرت والضرب كان مفاجأة، والضرب ابتدى من قبل ما اطلع الطلعة وانا طالع 9 وربع وهما بيضربوا من 8 ومجالناش خبر أن فيه ضرب، الجيش انضرب والناس كانت بتجري علشان تعدي القنال، الشعب فقد ثقته في الجيش ومكنش حد يقدر يلبس لبس جيش في الشارع قعدنا 3 شهور محدش بيخرج برة المطارمن هنا جت حرب الاستنزاف وحرب أكتوبر وابتدينا نشتغل من هذا الأساس».
