حسني مبارك ينجو من القتل في 67: «كنا بنتمشى بالطيارات والمطار انضرب»
نجا الرئيس الأسبق محمد حسني مبارك خلال ضربات العدو الإسرائيلي للمطارات المصرية في عام 1967، وكشف «مبارك» تفاصيل غريبة ومثيرة حول هذا الأمر.
وقال مبارك في الفدييو الذي نشره نجله علاء، اليوم الأربعاء، للحديث عن بعض التفاصيل الخاصة بالحروب ونصر أكتوبر: «يوم 6 يونيو قولت نطلع نطير ونمشي نفسنا شوية الطيارين بقالهم 15 يوم محدش بيطير، يوم 5 يوليو طلعنا 3 طيارات واخترقنا السحب، تفاجأنا انهم بيقولوا الطيران بينضرب وهجموا على المطار.
قولت اعمل ايه، اتصلت بالجيش في اليادة العامة قالوا انزل فين؟ قالولنا هنديك خبر اتصلت تاني قالوا هنديك خبر، فنزلت في الأقصر.
يدوب فترة قصيرة الطيران الإسرائسلي ضرب 3 طيارات في الأقصر، أصيبنا بصدمة لأن الطيارات راحت والسلاح بتاعنا راح.
الساعة بقت 11 او 12 ركبا قطر الساعة 6 وصلنا بني سويف لقينا الحزن كبير، بعد كده طيارات مقاتلات انضربت والجيش كان بيجري ومفيش خطة انسحاب، والمعدات اتدمرت والضرب كان مفاجأة.
الضرب ابتدى من قبل ما اطلع الطلعة وانا طالع 9 وربع وهما بيضربوا من 8 ومجالناش خبر أن فيه ضرب، الجيش انضرب والناس كانت بتجري علشان تعدي القنال».
