من هو صاحب الضربة الجوية الأولى في حرب أكتوبر؟.. ليس مبارك (فيديو)
صحح الرئيس الأسبق لمصر، محمد حسني مبارك، مفهوما مغلوطا عند الشعب بأنه هو صاحب الضربة الجوية الأولى في حرب أكتوبر 1973.
وروى مبارك تفاصيل الضربة الجوية الأولى خلال الحرب في مقطع فيديو نشره نجله علاء، في الذكرى 46 لحرب أكتوبر يحكي فيه حقائق وأسرار عن نكسه 1967، وعبور 1973.
وقال: «يوم 6 أكتوبر الصبح جيبت قائد طيار وفهمته انه يطلع بصاروخين اتنين، كل صاروخ في جناح وزنه الف كيلو متفجرات واديته امر يضرب محطة المركز العمليات اللى فيه مركز الاتصالات والرادارات».
وأضاف: «قولتله يطلع الساعة 1 ونص من قلب القاهرة على طنطا وبعدين تخش على أبو حماد وبعيدن على أبو صوير، والصاروخين ينضربوا الساعة 2 إلا عشرة من 120 كيلو من الهدف».
وتابع: «ضربهم ونسفنا المركز وانقطع الاتصالات وبهدلنا الدنيا، بعد العملية كلمني أحد القيادات قاللي انقطعت الاتصالات بينا وبين إسرائيل قال انت عملت حاجة قولتله هبقى اقولك».
وأكمل: «ارتفعت المعنويات يومها بشكل ملوش مثيل ورجعت الطيارات واتأكدنا ان كل حاجة تمام، كلمت المشير أحمد إسماعيل قولتله يا فندم تمينا الضربة ونجحنا، السادات سمعته بيقول كسبنا الحرب معركة المنصورة ابتدت بعدم ما قدروا يتسللوا للمنصورة وحفروا حفرتين هناك لان مطار المنصورة كان مركزي».
