نشأت الديهي: «عندنا أفضل منظومة حقوق إنسان في العالم، ولا يتم توجيهي خلال تقديم الحلقة»
أكد الإعلامي نشأت الديهي، أنه طيلة مسيرته الإعلامية في عهد الرئيس عبدالفتاح السيسي، لم يتعرض له أحد من جانب المسئولين أو يفرض عليه ما يقوله عند تقديم حلقاته أو كتابة مقالاته.
وقال الديهي خلال تقديم حلقته ببرنامج بالورقة والقلم، المذاع على قناة TEN، مساء الأربعاء: «أنا العبد الفقير دي شهادة مني، لم يمنعني أحد من انتقاد أي مسئول، احنا مسئولين وعندنا عقل سليم وقلب سليم ومش مرضى زي جمال عيد وعلاء عبدالفتاح، اللى عندهم سبوبه وعاوزين ياكلوا منها عيش».
وأضاف الديهي، «الناس دي بيشتموا مصر بره وبياخدو فلوس، وملف حقوق الانسان قذر وكريه وريحته وحشه، ويا جمال يا عيد اطلع اعتذر على كلامك الخطأ، ولازم تراجع نفسك انت فعلا حد اتعرضلك في مصر او اعتدى عليك، وأخبار فلوسك اللى عندك في البنك جايبها منين، انت راجل محترم وعندك 25 مليون جنيه جبتهم منين».
وأكمل مقدم برنامج بالورقة والقلم: «مصر بتعيش أحسن عصر لحقوق الإنسان، وأصدق وقت يتم تطبيق حقوق الانسان، ولدينا منظومة حقوق انسان غير متواجدة فى أي دولة أخرى، وبلاش ننسى مكافحة الإرهاب علشان الناس تخرج تتفسح براحتها على الكورنيش، لفيت فى 25 دولة وأكثر مكان آمن فيهم مصر».
وفي فقرة أخرى، استكنر الإعلامي نشأت الديهي، ما يحدث بالمواقع الاليكترونية والصحف الورقية لعدم تسليط الضوء على المشاريع الكبري وتطوير العشوائيات، بالإضافة إلى حرصهم الشديد لعدم الهجوم على المسئولين فى مختلف المجالات.
وقال الديهي خلال تقديم حلقته ببرنامج بالورقة والقلم، المذاع على قناة TEN، مساء الأربعاء، «إحنا فى الإعلام فاشلين، ولازم نستثمر دعوة الرئيس التى طالب فيها الإعلام بالتحدث كثيرا وإظهار الحقائق للشعب المصري».
وأضاف مقدم برنامج بالورقة والقلم، «مفيش إلا ضميرك فرصة إننا نتحرك ونعمل موضوعات وننقل للناس اللى بيحصل على أرض الواقع لازم الصحفيين يعملوا قصص، وبلاش النشرة اللي بتكون بايته في الصحف الورقية، يروحوا يشوفوا العشوائيات وكانا فين من 2011، وبقينا فين دلوقتي، وبدعو نفسي انا كمان بدعو نفسي ولا بزايد على حد لازم نفوق بعض».
وتابع الديهي، «عندنا فرصة ذهبية اننا نتحرك، بلاش نصدق الوهم ان احنا خايفين ننتقد، احنا أمام مرحلة جديدة من الشفافية بضمانة رئاسية والمسئول اللى هيزعل يزعل طالما غلطان لازم نفوقه، اشتغلوا وانطلقوا ومتخافوش».
