رئيس التحرير أحمد متولي
 السيسي عن مواقع التواصل الاجتماعي .. هو الدين بيقول إيه؟ (فيديو)

السيسي عن مواقع التواصل الاجتماعي .. هو الدين بيقول إيه؟ (فيديو)

قال الرئيس عبدالفتاح السيسي إن نصوص القرآن الكريم والسنة النبوية هي استراتيجيات وعناوين رئيسية يجب أن تتحول إلى سياسات وعادات وتقاليد.

وأضاف خلال كلمته في احتفال ذكرى المولد النبوي الشريف، اليوم الخميس: «قولي إيه هي السياسات بتاعتك يا إنسان في مصر علشان تعمل أخوة بين كل الناس باختلاف ألونهم وعقائدهم وثقافتهم وعاداتهم النبي قال كلمة واحنا معملناش».

ويتابع: «لما بنقول بنطور فهمنا لديننا مش هنغير الثوابت لكن في كلام كتير بيتغير لكن هو الدين بيقول إيه في الكذب اللي بنشوفه على مواقع التواصل؟ كل يوم بنكدب.. أنا بتكلم عن مواقع التواصل».

وأشار: «لحد دلوقتي في ناس عن طريق شبكات التواصل بيتم تجنيدهم وتعليمهم وتكليفهم للانضمام لجماعات الإرهاب.. احنا معنيين نعلم أولادنا يكونوا أسوياء».

ووجه حديثه لمن دعموا «ثورة 30 يونيو»: «لما قولت محتاج تفويض علشان أحارب الإرهاب الناس استغربت.. لكن انتو مكنتوش عارفين إنهم هيفضلوا وراكم ويقاتلوكم بالكلمة ممكن بالكذبة ممكن بالافتراء ممكن دا غير السلاح والافتراء والتدمير لإن نفوسهم وقلوبهم مريضة».

  

 

أحمد عبده

أحمد عبده

صحفي مصري متخصص في الشأن الطلابي، يكتب تقارير بموقع شبابيك، حاصل على كلية الإعلام من جامعة الأزهر، ومقيم بمحافظة القاهرة