شهد أحمد.. أول فيديو يظهرها قبل وفاتها

عرض الإعلامي عمرو أديب مقطع فيديو للطالبة شهد أحمد، التي لقت مصرعها في مياه النيل بمنطقة الوراق.

وأضاف أديب، خلال برنامجه «الحكاية»، أن الطالبة شهد استقلت سيارة من محافظة الإسماعلية متجه إلى القاهرة وبتفريغ الكاميرات ظهرت الفتاة في منطقة الورراق بالتحديد في شارع أخره النيل.

وتابع: «شهد كانت رايحة جاية خلال الفيديو مرتين وفي المرة التالتة راحت مرجعتش.. ايه اللي حصل عشان ترمي نفسها وايه اللي حصل في نهاية الشارع الله أعلم علامة استفهام كبيرة؟».

وأضاف: «نفس  الهدوم اللي ظهرت بيها شهد في الفيديو هي نفس الهدوم اللي تم العثور عليها وهي لابساها بعد انتشالها من النيل.. وكمان نفس الشنطة».

وفي مداخلة هاتفية لمحررة البوابة نيوز، أسماء خليل، مع عمرو أديب، كشفت، قالت: «شهد ظهرت في الفيديو طبيعية وماشية لوحدها والنيابة اتحفظت على شنطتها وموبايلها.. وفيه واحدة ست شافت شهد وهي قاعدة الساعة أربعة الفجر قدام النيل وقالتها عاوزة حاجة؟ شهد قالتها انا مستنية واحدة صاحبتي».