الفنانة عفاف شعيب: «فيه فلوس بتتدفع عشان الستات يقلعوا الحجاب» (فيديو)

علقت عفاف شعيب عن خلع الفنانات للحجاب الفترة الأخيرة ومنهم حلا شيحة وشهيرة وسهير رمزي.

وأوضحت خلال لقائها في برنامج «تحيا الستات» مع راغدة شلهوب، قائلة: «ليه سهير رمزي وشهيرة يقلعوا الحجاب دلوقتي بعد دا كله.. دول بقالهم 27 سنة محجبات ليه تقلعوا؟ كل واحد حر لكن أنا زعلت لأنه بعد السنين دي كلها الناس كانت حباهم بالحجاب وهما ماشاء الله حلوين وقمامير.. فيه إيه معرفش خلاهم يعملوا كدا.. أكيد حد وسوس لهم يقلعوا الحجاب».

وتابعت: «لو كانوا قلعوه قبل كدا من عشر سنين كان ماشي إنما دلوقتي صعب وخصوصا في السن دا».

وعن شائعات دفع الأموال من أجل ارتداء الحجاب، قالت شعيب «فيه ناس كتير كانت بتقول بيدفعوا فلوس لينا عشان نتحجب.. أنا بقولها اهو وقولتها في برامج كتير محصلش..هما يدفعوا ااه عشان يقلعوا إنما عشان الواحدة تتحجب محصلش الكلام دا.. والفنانات اللي كانت بتطلع وتقول أني نصحتهم يلبسوا حجاب محصلش يواجهوني.. أنا عمري ما طلبت من حد لا حجاب ولا نقاب»

وتحدثت الفنانة عفاف شعيب عن خلع حجاب حلا شيحا قائلة: «قلعتي الحجاب ليه.. أمال لبستيه ليه.. ارضاء لخطيب يعني.. الواحد وصل لسن معين  لو دفعتيلي مليار دولار مش هقلع الحجاب أبدا».

وأضافت «فيه كتير مش محجبات وقريبين أوي لربنا ويتصدقوا بما يرضى الله.. الحكاية مش حكاية حجاب دا سلوك وتصرفات».

ووجهت رسالة لحلا شيحة «ربنا يردها إليه ردا جميلا.. التزمي باللبس انتي ذقتي طعم الطاعة ويعني ايه التزام.. ميفعش تقلعي مرة واحدة كدا.. أنا مشوفتهاش بس هي براحتها».

منار بحيري

صحفية مصرية، حاصلة على قسم الإعلام بكلية الآداب وتتابع أخبار جامعة بنها

ميكس ميديا