الرئيس السيسي يقترح زيادة ساعات العمل إلى 12 مع راحة للغداء (فيديو)
وجه الرئيس عبدالفتاح السيسي سؤالا للمصريين يتعلق بتوقفهم عن الحلم فيما يتعلق بنهضة مصر، وما يستلزمه من العمل الجاد ولمدة أكثر وعدم التراخي.
وقال السيسي خلال افتتاحه عدد من المشروعات بدمياط، اليوم الثلاثاء: «هي الناس بطلت تحلم؟ مفيش حلم هي الناس بتصحى الساعة كام؟ في المكان اللي احنا فيه ده والله خمسة ونص الصبح كفاية على الساعة 12 تكون اشتغلت 6 ساعات ونص».
وسخر من بدء العمل اليومي في وقت متأخر قائلا: «لو رحت بقى الساعة 9 ولا 10 يا دوبك على الساعة 11 بقوا 3 ساعات ونتغدى ولا نفطر على الساعة 5 خلاص خلصت».
وأضاف: «لو اشتغلنا من 6 الصبح لـ 6 بالليل بقوا 12 ساعة خدوا كمان ساعة ونص غدا في النص يبقوا 10 ساعات ونص».
وقال: «هي الناس بطلت تحلم ولا ايه؟ أنا بتكلم بجد هي الناس بطلت تحلم وتجري على حلمها؟ إيه ده؟ أنا بتكلم على كل المصريين.. اللي انتو شايفينه واللي انا بتحرك فيه ده حلم حلمته وأنا صغير من 30 أو 40 سنة وقول».
