بسمة وهبة تفجر مفاجأة جديدة بسبب فيدو حرية الرأي في مصر (فيديو)
قالت الإعلامية بسمة وهبة إن الفيديو الذي نشرته أمس الأثنين عبر صفحتها الشخصية «فيسبوك» بشأن الحريات داخل البلد هو برومو لبرنامج جديد.
ونشرت اليوم الثلاثاء فيديو جديد قائلا: «بشكر كل الناس اللي دعمتني امبارح في القنوات التلفزيونية.. دعوات الانضمام لمحمد علي.. معلش مش هقدر أنا أسفة خليها المرة الجاية.. أنا لا بشم ولا بشرب مخدرات ولا بسهر في ديسكو».
وتابعت بسمة وهبة: «للأسف الفيديو اللي شوفتوا امبارح دا كان برومو البرنامج الجديد بتاعي انا ماضية عليه من شهر في قناة أون، وخلي بالكم بقا بعد كدا هي كل الناس محمد علي ولا ايه انا بسمة وهبة اللي طول عمرها واقفة جنب بلدها».
وعلقت على الفيديو المنشور على صفحتها الشخصية بموقع «فيسبوك»،«أنا مش هبيع مباديء ولا بلدي لأني لا بشم ولا بسكر ولا بلعب قمار ولا وأكله فلوس أيتام ولا عليا شيكات وكل كلمة تخص الحرية اتقالت في الفديوحتحصل في البرنامج ان شاء الله. .حتشوفوا وتتعلموا ازاي حرية الرأي والتعبير يا متأمرين.
وكانت الإعلامية بسمة وهبة أثارت الجدل أمس الأثنين بنشرها فيديو على صفحتها الشخصية بموقع فيسبوك قائلة: «ليه عاملين سور على المحافظين والوزراء والبرلمانيين والسفراء، أنا عاوزة لو طلعت في برنامج أتكلم وأوصل صوت المواطنين، لازم نتكلم عاوزين السقف يعلا وعاوزين نتنفس».
وأكدت زوجة الضابط علاء عابد، أن من شروطها للتعاقد من أي محطة تليفزيونية هو الحديث في كل الإيجابيات والسلبيات، موضحة: «ايه المانع لما يكون فيه في البلد حاجة مش عاجباني واقولها ولو فيه سلبيات اقولها في حدود الاحترام».
واعتبرت أن الإعلامي من حقه الانتقاد لأي شخص أو أي مسئول، قائلة «إيه المشكلة لما أنتقد الرئيس، مفيش حد فوق النقد، هل كلامي ده ممكن يخلوهم يحطوني في ترقب الوصول وانا راجعه مصر وادخل في تحقيقات؟».
