منة فضالي: صحابي معظمهم رجالة وارتبطت كتير لكن بكيت على شخص واحد فقط (فيديو)
أعلنت الفنانة الشابة منة فضالي، عن سبب اهتمامها بوجود أصدقاء رجال في حياتها بعكس وجود أصدقاء لها من الفتيات بشكل كبير.
وذكرت منة فضالي: خلال لقاء لها على قنلة النهار، في برنامج «تحيا الستات»، والذي تقدمه الإعلامية راغدة شلهوب: «بعض الناس بتنتقدني أن كل شوية عندي صحاب رجالة.. آه أنا بنبسط إن يبقا عندي صديق وأخ راجل لا هيغير مني ولا هيعوز مني أي حاجة، بالعكس هيديني نصيحة وهيسمعني، إنما البنت معرفش هي هتتقبل كلامي ولا لأ، ولا هتضايق ولا هتغير.. مببقاش فاهمة».
وقالت «ارتبطت أكثر من مرة، ولم أبكي سوى على شخص واحد فقط، لأنه كان كويس جدا ومحترم جدا، بس مكناش متفاهمين وده كان السبب أن أنا عيط لأن معرفناش ناخد خطوة جواز، إنما الباقيين متأثرتش خالص».
وأضافت فضالي: «أنا وحيدة تقريبًا حتى لو حواليا ناس كتير، وحيدة جدًا، وكل اللي حواليا بعتقد أنهم مجرد وقت، مبحسش إن اللي حواليا ده عشان خاطر منة، لا ده عشان خاطر منة الممثلة».
وتابعت: «أوقات كتير بقول لأمي أنا ليه بيحصل معايا ده أنا ليه منبوذة.. أنا معنديش شلة في الوسط.. كلهم زمايلي مش أصدقاء، معنديش أصحاب من الوسط خالص، من برا الوسط عندي بس قليل، يعني يبقا عندك صديق أو صديقة أهم من 10».
وتتواجد الفنانة منة فضالي في سوريا لتصوير مشاهدها في المسلسل السوري «مقابلة السيد آدم»، وهو من إخراج وتأليف فادي سليم، وتعد هذه هي التجربة الأولى لمنة فضالي في الدراما السورية، ومن المقرر عرض المسلسل في رمضان المقبل.
