كلمة الرئيس عبدالفتاح السيسي في قداس عيد الميلاد المجيد (فيديو)
وجه الرئيس المصري عبدالفتاح السيسي، مساء اليوم الإثنين، عدة رسائل من قداس عيد الميلاد في العاصمة الإدارية الجديدة.
وقال الرئيس في كلمته بكاتدرائية ميلاد المسيح فى العاصمة الإدارية الجديدة إنه حريص كل عام على الحضور لتقديم التهنئة بعيد الميلاد المجيد، مضيفا: « يجب الحفاظ على تماسك المصريين ولا تسمحوا لأحد بالدخول بيننا لإحداث وقيعة».
وفي كلمته أرسل الرئيس رسالة طمأنينة لجموع المصريين قائلا : « أقول للمصريين لا داعي للقلق لأننا جميعًا مع بعضنا البعض، واستقبالكم النهاردة حاجة مشرفة وشيء جميل، ودايما إن شاء الله مع بعض».
موعد إجازة عيد الميلاد في مصر.. بيان رسمي من الحكومة
وأشار إلى أن محبة المصريين لبعضهم البعض شيء جميل جميل، داعيا الله أن يحفظ مصر ويحفظ وحدتها.
وتحدث الرئيس المصري عن محاولة البعض الوقيعة بين أبناء الوطن قائلا : «أي محاولة للفتن أو الوقيعة لازم ننتبه لها ويبقى مخنا وقلبنا أكبر منها.. شايف المصريين قلقنين يعني أنتوا قلقنين من أيه؟.. مفيش مجال للقلق لسبب واحد.. ومفيش مجال لينا أن إحنا نبقى قلقنين لسبب واحد وأية السبب ده.. أن إحنا مع بعض وطول ما احنا مع بعض محدش يقدر يعمل فينا حاجة، نحن نتعامل بشرف فى زمن مفيش فيه شرف».
وتابع : «محدش يقدر يجرجرنا هنا ولا هنا طول ما احنا ايد واحدة ، ربنا سبحانة وتعالى أراد أن احنا نكون في ظروف صعبة.. زى ما أنتوا شيفين حوالين مننا الدنيا عاملة أزاى.. بس ده لينا وعلينا.. ولينا أن احنا لازم ناخد بالنا.. ولينا إن أحنا ننتبه طول ما احنا نلاحظ كان ممكن يبقى حالنا كدة؟.. أيوه .. وكان ممكن يبقى ظروفنا كده؟ .. أيوه .. وطب اللى علينا أيه أن احنا نخلى بالنا من بلدنا.. طول ما احنا مع بعض.. وطول ما الشعب المصرى ايد واحدة محدش يقدر يعمل معانا أو فينا حاجة.. ولا حد يقدر يعنى يجرجرنا هنا ولا هنا».
ووصل قبل قليل الرئيس عبدالفتاح السيسي لكاتدرائية «ميلاد المسيح» بالعاصمة الإدارية الجديدة، لتقديم التهنئة للاقباط بعيد الميلاد.
ودخل الرئيس الكاتدرائية بصحبة البابا تواضروس الثاني، بابا الإسكندرية بطريرك الكرازة المرقسية، الذي كان في استقباله، واستقبله الحضور بالزغاريد وأعلام مصر والورود.
