طالب جامعي ينتحر بسبب التعليم أونلاين ويترك رسالة أخيرة (صورة)
نشر عضو هيئة تدريس بإحدى كليات الهندسة، ويدعى أحمد أبو الفتوح، صورا لمحادثة جرت بينه وبين طالب عبر تطبيق «واتساب» أعلن فيها الأخير إقدامه على الانتحار.
وجاء في نص المحادثة رسالة تركها الطالب قبل انتحاره كتب فيها «دكتور لو سمحت عايز اتكلم مع حضرتك.. أنا فاض بيا ومبقتش قادر أكمل وحياتي بقت كابوس بسبب الكلية واللي بيتعمل فينا.. الدكاترة بتعمل محاضرات فيديو عشر دقائق بيقروا فيها السلايدات وخلاص وانا مش فاهم حاجة والدنيا وسعت مني ومش عارف الم ولا مادة حتى المواد اللي بحبها ولا في معيدين بشرحوا سكاشن ولا حد اعرف اسأله عن حاجة مش فاهمها ومعرفش هنمتحن ازاي».
وتابع: «هو ينفع يعني اللي بيعملوه فينا دا؟ مش احنا بضه زي ولادهم؟ حضرتك أنا بقالي 6 سنين في الكلية ومعرفش حاجة عن ميكانيكا غير الحاجات اللي اتعلمتها منك وبرنامج انسيز وسوليد بس ولما اتخرج هكون عندي 30 سنة ومحدش هيرضى يشغلني علشان فاشل».
واختتم: «انا بكلم حضرتك علشان اقولك اني اسف لاني ضحكت على كلام صراحة اللي بعتهولك زميلنا وقلت عليه شخصيته ضعيفة بس والله تاني يوم لما قريت خبر الانتحار قعدت اعيط طول اليوم وقفلت على نفسي ومقدرتش اكل ولا اصلي ولا اعمل حاجة.. بكلم حضرتك علشان اقولك اني اسف اني خذلتك وعلشان لما تعرف خبر موتي وتعرفني متظلمنيش وتقول للناس يرحموني لان محدش مر بظروفي ولا يعرفها واكيد ربنا هيكون رحيم بيا.. وادعيلي بالله عليك».
