قصيدة عن حرب أكتوبر

مهما مرت السنوات تظل حرب أكتوبر محفورة في أذهان الجميع، وتخليدًا لهذه الذكرى كُتبت العديد من القصائد والأناشيد التي تحمل كل معاني الفخر والعزة وتمجد أرواح الشهداء الذين ضحوا بأرواحهم في سبيل حرية أوطانهم، ونستعرض أكثر من قصيدة عن حرب أكتوبر فيما يلي.

قصيدة عن شهداء حرب أكتوبر

لم ينس الشعراء تمجيد شهداء حرب أكتوبر في قصائدهم عرفانًا بتضحياتهم العظيمة التي لا يوافيها أي شيء، ومن هذه القصائد:

• حكاية شهيد

تحيا سينا في كل ذكرى وكل عيد

في كل محنة لما تلاقي ولدها مقاتل عنيد

وكل مصري لما يدافع عنها بالعزم الشديد

تحيا سينا تحيا سينا قولها دايمًا

واسمع مني حكاية شهيد

في عز ليل الحرب الحزين

وعز آلام الوطن والأنين

جهز أمير الشنطة

قالتله الزوجة على فين

قالها لأرض سينا غلبني الحنين

بصتله وفي عنيها الدموع

قالتله خايفة وخوفي عليك مشروع

وهتبقى وسط النيران لا سقف يحميك ولا دروع

وأنا لسه يا دوبك عروسة جديدة

لا هعرف أعرف ولا هبقى سعيدة

كان رده أموت ولا لحظة يعيش الوطن موجوع

قالتله في غيابك هقيد الشموع

وهستنى منك لحظة رجوع

وإياك تخضع لعدو

ده لله وحده الخضوع

قالها متزعليش إن كنت عنك هغيب

ده الوطن ناداني وهو أغلى حبيب

وإن كنت هموت ومش راجع

فالشهادة عندي أغلى نصيب

قالتله مش هبخل بيك ع الوطن

أنا بس زعلانة إني مفرحتش بيك

وحتى لو جتلي في كفن

هصبر على فراقك لكن هتوحشني عينيك

هيوحشني صوتك ولحظة سكوتك

ولحظة سعادة عاشت فيا وفيك....

وفي يوم كان البطل ع الجبهة

وشايل في إيديه السلاح

جاتله رصاصة غدر

أنهت مشوار الكفاح

ما ده اللي كان يتمنى موته

ولا يعيش الوطن من أعداءه مستباح

وبعد ما نال الشهادة

اتولد ابنه مع إشراق الصباح...

• قصيدة في يوم الحرب

في يوم الحرب بلدنا بتبكي وبتفرح

على الدم اللي سال على الأرض ورجع رملنا طاهرة

في يوم الحرب كانت أيامنا مش باينة

لا فيها ثبات ولا فانية

وكل جراحنا ملمومة لحد النصر ما يوافق

يخلي بلدنا في الصورة

وترجع تاني منصورة

قصاد كل البلاد معصومة

بجيشها وشعبها الباسل

هزغرد ولا أنا هبكى

دي جملة أم في جنازة

تموت يا ابني وماليك عازة

ما دام ان البلد هتعيش

وبكرة أخوك يجيب حقك

يحارب كل عدو خسيس

عايز ينهب ثمار الأرض

بكل غرور وغل وحقد

وزي ما راح ما بينا شهيد

هنولد بكرة مليون ألف

متقلقش ونام وارتاح

فجيشنا أكيد مهوش ساكت

رسالة مهجورة العنوان

ومضمونها يبكي الصخر

كانت محفورة في وسط رمال على شط القناة

ونور البدر كان زاهي

وشاهد إني في كلامي ولا بكدب ولا أداري....

 

كلمات معبرة عن حرب أكتوبر

صباح النصر يا أمي العظيمة يا مصر

صباح النصر يا أخواتي وحبايب مصر

صباح النصر ع اللي سطروك يا تاريخ

صباح الفل ع المدفع وع الصواريخ

صباح الكبرياء ع الداء

صباح شايل معاه أسماء

في صفحات التاريخ مكتوب

ومن يوم ما ربنا تعالى خلق الأرض

ومن ساعة ما اخترعوا الوقت والحساب والمسافات

بتيجي مصر في الأول وبعدين تبتدي الحكايات

فبكتبلك يا أمي وجنبي زملاتي

وياريتك جنبي ويايا

عشان تسمعي يعني حكاية ما بعدها حكاية

وأقولك ياما حاربنا وعدينا خطوط النار

بقولك ياما ابنك كان بطل مغوار

مهبش الموت ولا خافه

زميله كان على كتافه بينزف بس كمل بيه

وقام يجري ومات صحبي على كتفي

عشان أحضانا أوسع من منازلنا

تشوفي يا اما زميلنا أسود فوق العدد والحصر

أعدائنا مخافوش إلا ما صرخنا فيهم مصر

يا دوب الاسم لو قولته يخاف منه العدو ويرجع

اذا ذكرت بلادي فانصتوا أجمع

طبيعي القلب بيرفرف

طبيعي عيونا بتدمع

حكاية عمرنا ابدا ما يوم هنمل نحكيها

قالوا السادس من أكتوبر

قالوا العاشر من الهجري

باسمى اسم سميها

قالوا النصر وقالوا عبورنا

وكان بارليف على صدرونا

سنين طابق

عشان القلب كان صادق

فمستحملش أرضه تبقى مغتصبة

ومستحملش ذرة رمل من أرضه

تدوسها بيادة الغربا

اخلع نعالك يا عدو

هذه الأراضي مقدسة

هذه أراضي موطني لا لن تكون مدنسة

اليوم تنتقم الجنود وتفتدي

من يحصد الأرواح أي منافسة

اليوم إما قاتل أو مفتدي

فأنا الشهيد أنا الوليد المنتصر

أنا الطريق أنا العريق أنا الوفي

أنا الدليل أنا السبيل المفتخر

ببطاقتي بشهادتي باصابتي

بيد يسيل الدم منها كالمطر

فاحذر عدوي لست وحدي ها هنا

والله ان متنا يقاتلك الحجر

شعر عن سيناء وحرب أكتوبر

يوم الشرف يوم الكرامة ... 6 أكتوبر أجمل علامة

يوم ما الجيش المصري ضرب... خلى عدوه في لحظة اترعب

والدم اللي في جسمه هرب      

حاربنا بتخطيط ومهارة بعزيمة وقوة جبارة                 

عدينا بسرعة الشط ماوقفش قدامنا خط

وفي لحظة العالم على سينا اتحط 

اخواتنا العرب وقفوا معانا

الجزائر وحوش بأمانة والمغرب أسود سندانا

العراق بعتت طيران وعلى الجبهة رجالة السودان

حاربنا عدونا بتخطيط وشاركت في الحرب الكويت

واليمن أمرت مفيش سفينة معدية

كان أكبر جسر جوي من السعودية

وحظرت النفط على الدول الغربية

ووقفت جنبنا المملكة الأردنية

وأخواتنا في الجمهورية الليبية

والمقاومة الفلسطينية

والإمارات بعتت إمدادات لمصر وسوريا على الجبهات

وشعب تونس كانوا معانا داعمين لحد نصرنا المبين

جنود مصر كانوا صامدين ما هم في رباط ليوم الدين

ياريت على طول كده نكون في اتحاد

ونكون وقت الشدة شداد ونعيد تاريخ الأمجاد

تحيا العروبة وتحيا مصر

تحيا شعوبنا ومن نصر لنصر

نشيد عن حرب 6 أكتوبر للاذاعة المدرسية

حرب أكتوبر دائمًا ما تكون موضوعًا للإذاعة المدرسية في ذكرى الحرب من كل عام، ونوضح أحد الأناشيد عنها فيما يلي:

• قصيدة أكتوبر لصلاح جاهين

من غير ما نتفاخر ونتباهي

لا بالرايات اللي رفعناها

ولا بالحصون اللي انتزعناها

ولا بالدروع اللي مزعناها

ولا بالدموع اللي ابتلعناها

على الضنى الغالي وحجبناها

وحياة عيون مصر اللي نهواها

وأكتوبر اللي كما النشور جاها

بلاش نعيد في ذنوب عملناها

أنا اتعس اللي بدعها وجناها

ومازلت تحت عقابها وجزاها

وحياة ليالي سود صبرناها

واتبددت بالشمس وضحاها

نكبح جماح الزهو، مع أنه

من حقنا، ونحمي النفوس منه

ولو العبور سألونا يوم عنه

قول مجرد خطوة خدناها