عمرو السولية يهدد المعلقين على صورة ابنته بالتقدم ببلاغ رسمي: «لسه قالعة البامبرز من كام شهر»
أكد اللاعب عمرو سوليه، عزمه على التقدم ببلاغ رسمي ضد الذين كتبوا تعليقات غير لائقة على صور ابنته التي تبلغ من العمر 3 سنوات، وفي السطور التالية، ينشر «شبابيك»، تفاصيل الواقعة.
عمرو السولية وتعليقات على صور ابنته
نشر اللاعب عمرو السولية صورا لابنته الصغيرة التي تبلغ من العمر 3 سنوات، فتلقي تعليقات عده عبر حسابه الرسمي على صفحة الفيديوهات «انستجرام»، وصفها بأنه غير محترمة وغير لائقة، والتي تصف ابنته الطفلة بأن ملابسها غير محترمة، فكتب أحد المتابعين: «ربنا يخليهالك، بس يا ريت تخلي بنتك تلبس لبس محترم شوية»، ورد عليه آخر: «ده اللي أنا قلته خليهم يلبسوا محترم».
فرد اللاعب عمرو السولية على التعليقات، وكتب: «ليلى بنتي عندها ٣ سنين و نص (لسه قالعة البامبرز من كام شهر) الكلام ده بيتقال على طفلة !! ايه اللي يخلى (بني آدم) خنزير ممكن يبص على لبس طفلة ويركز غير أنه فعلاً خنزير ؟! ايه المرض ده».
وأضاف: «دول اللي لما بيكبروا بيكونوا مغتصبين ومتحرشين واللي بنخاف على بناتنا وأهلنا ينزلوا الشارع عشان ميتعرضوش لأذاهم، اتمنى الشيوخ اللي بيبرروا للتحرش و لبس البنت يكونوا مبسوطين دلوقتى و هما شايفين اللي بيحصل».
طبيب أسنان مشهور متهم بالتحرش بالرجال من 35 عاما
وقال السولية، إنه سيتقدم ببلاغ رسمي ضد كل من علق تعليقات غير لائقة، وغير محترمه على صوره مع ابنته الصغيرة.
