رئيس التحرير أحمد متولي
 تفاصيل تعرض طالب للتنمر باختبارات التربية الرياضية: البس هدومك وروح شكلك وحش

تفاصيل تعرض طالب للتنمر باختبارات التربية الرياضية: البس هدومك وروح شكلك وحش

يتداول المتابعون على مواقع التواصل الاجتماعي، تفاصيل واقعة تنمر تعرض لها أحد طلاب الثانوية العامة والذي تقدم لاختبارات القدرات لكلية التربية الرياضية للعام الجامعي 2020-2021.

وانتشر على مواقع التواصل الاجتماعي قصة العنصرية والتنمر التي عانى منها شاب، رغب في الالتحاق بكلية التربية الرياضية فتقدم لاختبارات القبول بها، لكن مشكلة في الشفاة، تطلبت عملية جراحية، وعملية أخرى خلال الفترة المقبلة، حتى يعود طبيعيا، لكن هذا الأمر أثر على اجتيازه لاختبارات الكلية، وجعل القائم على اختباره رفض قبول لاستكمال اختبارات القدرات.

وكتب الطالب أحمد عمر، عبر صفحته على موقع التواصل الاجتماعي، «فيسبوك»، يقول: «انا شكلي قبيح! موقف حصلي انهارده وانا بقدم كلية تربيه رياضيه.. رحت الساعه ٩ الكليه عشان أقدم الورق وادخل الاختبارات وقعدت انزل واطلع من الساعه ٩ للساعه ١ وبعد كدا قعدت ساعه على ما دخلوني ودفعت ٤٥٠ جنيه الأول غير الورق اللي صورته وبعد كدا دخلت وقلعت بلبوص لامؤخذه ماعدا البوكسر وبعد كدا قست الطول والوزن وطلع مناسب جدا وبعد كدا رحت للدكتور التاني عشان الاختبار.. انزل عشره ضغط.. أقف على مشط رجلك ونط.. اقعد واقف وانت مربع من غير ما تسند».

وتابع الطالب: «بعد كدا قالولنا ننزل الكمامه وبعدها لقيت نظراته ليا اتغيرت وقعد مركز معايا شويه ومركز ف شفتي اوي... بعدها ندهلي قالي اسمك اي قولتله كذا كذا يادكتور قالي اي اللي ف شفتك دا.. قولتله عمليه حضرتك وبعد خمس شهور بالكتير هعمل عمليه تانيه وشفتي هترجع طبيعيه وهشيل التقويم وهبقا زي الفل.. فقالي طب ارجع تاني وقفت مع زمايلي فلقيته قالهم روحوا انتو للخطوات اللي بعد كدا وقالي أقف انت عاوزك.. طبعا انا استغربت.. اللي هو في أي وبعدين اي البصات اللي بيبصهالي دي ف بعد ما ذنبني شويه قالي تعالى».

وأضا: «روحت قالي روح البس هدومك وروح.. قولتله ليه يا دكتور دا انا حتى لسه ما دخلتش اختبار الجري ولا حتى الخطوات اللي بعد كدا.. قالي انت شكلك مينفعش.. قالي عشان مصلحتك بس قولتله الكليه كلها حركه وجرى وسباحه ولو في بوكس وملاكمه ف انا بقول لحضرتك انا بعد خمس شهور كل دا هيبقا زي الفل.. قالي انت كشكل اصلا مينفعش يبني وبعد كدا قالي يلا اتفضل روح البس وروح».

وذكر الطالب: «اقسم بالله ان كان معايا واحد ميقلش عن ١٢٠ كيلو واتقبل عادي... نزلت سألتهم وقولتلهم عاوز ال٤٥٠ بتوعي عشان امشي لاني لسه حتى مدخلتش الاختبارات ولا عملت اي حاجه يعني دفعتهم عالفاضي الاقي الأمن يقولي بح ياباشا كان فيه وخلص مينفعش تاخدهم تاني.. طلعت لحد مهم فوق ف مكتبه قالي طالما كتبت اسمك عالظرف يبقى متعرفش تاخدهم.. قولتله تمام بس انا اصلا مدخلتش الاختبارات يعني لو دخلت اوك إنما أنا مدخلتش.. ان جيت للحق معاملته كانت في منتهى الاحترام بس على كلامه انه ميقدرش يعمل شئ نزلت وانا مش مسامح ف الفلوس طبعا».

واشار: «اللي موتني أن انا ليه متقبلتش.. علشان شكلي مش لايق عالكليه على كلام اللي كان فوق ف الكشف الطبي.. يعني انا قبيح.. بلد ماشيه بالعنصرية طول عمرها.. انا وانا طفل ياما خدت تريقه و اتعنصرت عنصره هدت امالي وطموحاتي في حاجه انا مليش ذنب فيها.. والله مش انا اللي خلقتني عشان اكون وحش فنظركم».

رد الكلية على واقعة التنمر بالطالب احمد عمر

ونقلت مواقع محلية عن عميد كلية التربية الرياضية بجامعة كفر الشيخ الدكتور عبد الحميد عكاشة، ردا على واقعة  التنمر بالطالب أحمد عمر، في بيان له قائلا: «نود أن نوضح أننا جميعا موجودين لخدمة أبناؤنا الطلاب واعطاء كل ذي حق حقه وتذليل العقبات أمامهم ونصحهم وارشادهم الي الصواب دائما، وكليات التربية الرياضية عموما بجمهورية مصر العربية لها ضوابط وشروط للالتحاق بها ولذلك تم عقد عده اختبارات والمسماة باختبارات القدرات وتتم من خلال عدة لجان متخصصة وفقا لرؤية واستراتيجية وزارة التعليم العالي ».

وأوضح  عكاشة، أن الطالب المتقدم يمر بعده مراحل للقبول بالكلية منها دفع المصروفات والكشف الطبي المبدئي علي القلب واختبار قياس الطول والوزن، ثم اختبار القوام، وبعدها اختبار السمات الشخصية، ثم ينتقل الطالب اللائق فقط إلى الاختبار الرياضي.

وأشار إلى أن حدث للطلاب أحمد عمر، أنه افتقد أحد شروط القبول بالكلية في احدي اللجان المتخصصة وهي لجنة القوام، وهذا ليس معناه أنه بهذا الوصف الذي يصف به نفسه علي الاطلاق ومن الممكن أن يكون مبدع جدا ومتميز جدا عند التحاقه بأي كلية نظرية غير كلية التربية الرياضية.

وتابع: «نحن لا نرضي بأن يهان لدينا أي طالب علي الاطلاق بدليل أن احد الاساتذة المتخصصين في اللجنة نفسها تحدث مع الطالب علي انفراد ومن قرب نظرا لمراعاته نفسياً وأوضح له سبب عدم قبوله وذلك نظرا للنواحي الانسانية والتي فهمت عكس ما قصدي منها تمام».

حسين السنوسي

حسين السنوسي

صحفي مصري متخصص في الشأن الطلابي، رئيس قسم الجامعة بموقع شبابيك، متابع لأخبار التعليم ومقيم بمحافظة الجيزة