حمادة ننوس المستشار.. هجوم المشاهير على طفل المرور ووالده
انتقد مستخدمو موقع التغريدات القصيرة- تويتر- طفل المرور، والذي انتشرت فيدوهات له أثناء اعتدائه لفظيًا على رجال شرطة.
وتصدر هاشتاج حمادة ننوس المستشار، موقع تويتر، والذي شهد انتقادات لاذعة لطفل المرور ووالده المستشار، بسبب تطاوله على رجال شرطة المرور وقيادته سيارة دون السن القانوني.
هجوم المشاهير على الطفل ابن القاضي
ونشر الفنان عبد الرحمن حسن، مقطع فيديو قال فيه أن الفيديو الأول للطفل أثار استفزازه، وأنه في قمة الحزن وانفعاله بسببه، فضلاً عن أنه أشعل بركانًا من الغضب بداخله.
وأضاف حسن: مش عارف يعني إيه دولة في العالم طفل عنده 13/ 14 سنة ياخد عربية أبوه.. ويتعامل مع الشرطة بالشكل ده، وينزل فيديو.. يعني احنا لو دولة فيها قانون، دولة محترمة، الولد ده يكون في الأحداث دلوقت، وأبوه سيادة المستشار يكون محبوس، الولد ده عشان يبقى عبرة، عشان العيل ده يتكسر لازم أبوه يتحبس، عشان يتربى لازم يحس إنه اتسبب في حبس أبوه رغم إنه مستشار.
وتابع حسن: سيادة المستشار أنت قاضي بتحكم على الناس- المفروض- بالعدل، عشان تربي الناس، تربي المخطئ، تربي الخارج عن القانون، لكنك فشلت في تربية ابنك، ومعك كل الحق لأننا في دولة ليس بها قانون، دولة لا تحترم القانون، إعلام متدني يدافع عن طفل لمجرد إنه طفل، لا ده مش طفل لأنه بكرة لما يكبر هيضرب الناس بـ... .
من هو والد طفل المرور الذي أغضب المصريين؟
واعتذر حسن على انفعاله بسبب ما آلت إليه الأوضاع الآن، بقوله: أنا آسف على انفعالي، بس كان لازم أوصل الرسالة دي، لأن الساكت عن الحق شيطان أخرس وأنا عمري ما هكون شيطان أخرس، ويمكنكم مشاهدة الفيديو من هنا.
حمادة ننوس المستشار هاشتاج يتصدر تويتر
ونشرت الإعلامية هالة سرحان صورة من كارنيه الطفل، وكتبت عليها: مدير الصندوق دي وظيفة ولا جنسية ولا منصب للأطفال؟ عايزين نفهم.
وقال وائل غنيم: إوعى تفتكر إن اللي زي المستشار أبو المجد عبد الرحمن أبو المجد وابنه عايشين حياتهم مبسوطين عشان معاهم قوة وبيستغلوا السلطة لتحقيق نزواتهم، سلوك الابن يوريك قد إيه حياتهم بايظة ومتلخبطة وأكيد مش سعيدة، لأن مفيش حد بالتربية دي ممكن يدوق طعم السعادة الحقيقي، وده من عدل ربنا في الأرض.
وأرفق آخر بصورتين للإعلامي عبد الرحيم علي وطفل المرور تعليقًا قال فيه: عبد الرحيم علي انا فوق القانون والدولة.
ابن القاضي: احنا اللي بنسجن ما بنتسجنش.
ملخص مصر في الصورتين دول.
وغرد آخر: أبطال حادثة الفيرمونت القادمة 2024.
ونشر آخر فيديو لطفل وهو يبكي أثناء استيقافه من رجال الشرطة، ويردد: باكل عليها عيش، ويمكنكم مشاهدة الفيديو من هنا.
