كلمات أغنية 6 صباحا لحمزة نمرة بالفيديو

ينشر «شبابيك» كلمات أغنية 6 صباحا لحمزة نمرة من ألبومه الجديد مولود سنة 80، والذي يطرح أغنياته تباعا على قنواته الرسمية على تطبيقات التواصل الاجتماعي.

أغنية 6 صباحا من كلمات عمر طاهر، وألحان حمزة نمرة، وتوزيع كريم عبدالوهاب، وجيتار مصطفى أصلان، وعود هشام عصام،

وتقول كلمات الأغنية: «الساعة 6 صباحا بردان ومتقل الهدوم وفي قصر النيل بمشي نفسي وبفضي القلب من الهموم.. والمشي عملت منه عادة وعملت لقلبي نسختين بتعرف وحدي على السعادة ومكمل مش عارف على فين..

أنا رايح على فين؟ قلبي اتعبى حنين والفاعل مجهول وده مين رص الفتارين بوشوش مبتسمين بتقولي على طول..

هتلاقي الخطوة بابتسامة بس اللي أنا شوفته كان كتير.. عديت ما جرالي بالسلامة والماضي ده سر نام في بير..

والصبر عملت منه قارب يتكسر اقلبه جناحين.. والقلب معلق الكهارب والزفة هتصحي النايمين..

أنا رايح على فين؟ قلبي اتعبى حنين والفاعل مجهول وده مين رص الفتارين بوشوش مبتسمين بتقولي على طول..

شارع بيطلع على شارع أيام بتودي لأيام وماشوفتش وصفة للتايه أحسن من المشي لقدام..

فين؟ أنا رايح على فين؟ قلبي اتعبى حنين والفاعل مجهول وده مين رص الفتارين بوشوش مبتسمين بتقولي على طول..

أنا رايح على فين؟ قلبي اتعبى حنين والفاعل مجهول وده مين رص الفتارين بوشوش مبتسمين بتقولي على طول».