القبض على محمد قمصان مدعي الإصابة بالسرطان (فيديو)

شهدت أزمة الشاب محمد قمصان تطورا جديدا اليوم الإثنين، بعد أن ألقت الأجهزة الأمنية بمحافظة كفرالشيخ القبض عليه ووالدته من منزلهما، بقرية سنهور المدينة، للتحقيق معهما بعد اتهامهما بالكذب وعدم إصابته بالسرطان، واستخدام السوشيال ميديا للتربح منها.

فيديو محمد قمصان

خرج محمد قمصان في مقطع مصور بصحبة والدته، وقال فيه «أنا عايز أرد على الناس اللي بتشهر بيا وبتقول أنا عايز اتشهر لو عايز أعمل كده هقول ده يوم ولا اتنين مش أربع سنين مش حاجة حلوة هي».

وتابع: «اللي شاف المرض هيعرف أنا بقول إيه»، مستعرضا مجموعة من أوراق التحاليل والأشعة تثبت إصابته بهذا المرض.

وأضاف: «محدش ليه حاجة عندي اتشهر ولا ما اتشهرش، وبقول للي بيقول عني كدا يا رب تتشهر شهرتي.. أنا اتشخصت من 4 سنين وفضلت سنتين بتعالج غلط».

وأطلقت والدته دعوات على منتقديه قائلة «حسبي الله ونعم الوكيل على اللي ييجي على ابني ويبقى تعبان زيه احنا أساسا مش بتاع كده ولا نحب ابني يبقى تعبان أنا كنت عايزاه صحته تبقى حلوة زي كل اخواته».

وتعجب قمصان من تداول خبر يفيد بوفاته «أنا مش مجبر أثبت لحد واللي يصدق يصدق واللي ميصدقش ميصدقش بس أنا أكتر حاجة بتوجعني إن حد يبقى شايفني ويطلع يتكلم عليا».