طالبة أزهرية بالعاشر تتهم معيدة بكلية الدراسات الإسلامية بإهانتها بسبب لبس «الترنج»
ادعت طالبة بكلية الدراسات الإسلامية تعرضها للتنمر والإهانة من قبل معيدة بكليتها بسبب حضور الامتحان مرتدية «ترنج».
فتاة «الترنج» بجامعة الأزهر
روت الطالبة التي تدعى نهال سليم تفاصيل الواقعة، بحسب ما أورده موقع «هن» قائلة إنه بينما كانت متجهة للجامعة مرتدية «لبس سبورت أوفر سايز» ما يعرف باسم «ترنج» استوقفها الأمن على البوابة ووجه لها عبارات مسيئة قبل السماح لها بالدخول.
وأضافت أنه بعد دخولها قاعة الامتحان أمرتها معيدة كانت مكلفة بمراقبة الطالبات بالجلوس في آخر القاعة بدعوى أنها لا تريد رؤيتها على تلك الحال.
تقول الطالبة إنها بدأت في مسح وجهها ظنا منها أنها وضعت مساحيق تجميل، لتجد المعيدة توجهها بسبب مظهرها.
وتضيف الطالبة أنها أصيبت بالذهول ودخلت في مناقشة حادة مع المراقبة لمعرفة سبب الهجوم عليها، ما دفعها للتظاهر بأنها تريد الخروج للحصول على قلم من صديقتها حتى لا يتطور الوضع، وعقب العودة لم تسمح لها المعيدة بالدخول واصطحبتها للكنترول ما استنفذ ساعة كاملة من زمن الامتحان بينما هي خارج القاعة.
وتابعت «بعد نص الوقت والناس بتخرج خلاص وأنا كنت لسه داخلة لجنتي كأنهم اتعمدوا إنهم يطولو في الكلام علشان يعاقبوني، دخلت اللجنة انهارت لحد ما كان خلاص فاضل نص ساعة واللجنة تخلص جاتلي تاني المعيدة دي وأنا كنت منهارة، وفتشتني تفتيش صعب جدا، وأنا خلاص خارجة وبمضي راحت حاطة رجليها على الديسك اللي بنمضي عليه علشان أنا اوطي وامضي عند رجليها».
الطالبة تشتكي
أكملت الطالبة: «المرة اللي بعدها في الامتحان اللي بعده نظرات المراقبين ليا كانت غريبة، وبيقعدوني في كرسي قدامهم بالظبط وبيفتشوني أنا الوحيدة حوالي 6 مرات، ولما دخلت المادة اللي بعدها حصل نفس الموقف قولتلهم أنا عملت ايه بتفتشوني كتير ليه؟ ومراقبة جابتلي الورق وطلعوا كاتبين اسمى على ورقة كبيرة في غلاف ورق ومكتوب قصاده «غشاشة»، كنت هتجنن خرجت من اللجنة روحت جيبت دكتورة من ضمن الدكاترة الكبار اللي كانوا موجودين، وسألت كل البنات اللي معايا في اللجنة من سنة أولى قولتلهم أنا عمري اتمسكت بغش؟ قالوا محصلش، جت الدكتورة قالتلي أيوه ما دي كانت قرصة ودن ليكي واحمدي ربنا إننا مرفدنكيش».
وتابعت الطالبة:«خرجت من عندها روحت مكتب العميد، السكرتيرة قابلتني وسمعتني وكانت ذوق لحد ما كلمت الدكتورة اللي عملت فيا كده، قالتلي لو دخلت عند العميد هطلع مفصولة، قولتلها إزاي اللي عنده الحق هو اللي يتفصل، علشان أنا طالبة وهي معيدة وكل شوية حد يقولي هتترفدي، ورفد برفد بقي أنا مش هسيب حقي».
رد الجامعة
المتحدث باسم الجامعة، الدكتور أحمد زارع، قال إنه ليس على علم بتفاصيل الواقعة، وتسائل لم انتظرت الفتاة لأسبوعين قبل أن تتحدث عن الواقعة إن صحت؟
وأفاد زارع أنه لا معايير لملابس الطلاب بجامعة الأزهر سوى أن يكون محتشم أيا كان نوعه».
