حلا شيحة توجه رسالة قاسية لتامر حسني بعد اعتزالها

هاجمت الفنانة حلا شيحة، الفنان تامر حسني بعد نشره فيديو كليب يجمعهم سويًا ضمن فيلم مش أنا، الأمر الذي كان من شأنه استنكار الجمهور لأفعالها المتناقضة.

تبرأت حلا، من دورها في فيلم مش أنا بطولة تامر حسني، وذلك من خلال منشورها السابق الذي وصفت من خلاله دورها في الفيلم بكلمة مقتضبة وهي مش أنا.

حلا شيحة تهاجم تانر حسني بسبب فيلم مش أنا

كتبت الفنانة حلا شيحة، عبر حسابها الرسمي على موقع تبادل الصور والفيديوهات الشهير انستجرام، قائلة: «انا اتفاجئت جدا ًبنزول كليب يجمع فيه مشاهد متفرقة من الفيلم و في ايام ذي الحجة ايام مباركة و خصوصاً بعد اخر بوست نزلته ووضحت فيه انا ايه».

وأردفت حديثها، قائلة: «اتفاجئت اكتر خصوصا ًبعد وعد تامر حسني ليا وتأكيده انه حيحترم رغبتي و بعض الطلبات اللي طلبتها منه بكل احترام وود الصيف اللي فات و اكدلي انه حيحترم رغبتي».

رسالة حلا شيحة لنجوم الفن

ووجهت حلا شيحة لنجوم الفن رسالة قاسية جاء بمفاداها: «احنا يمكن نجحنا بمقايس الدنيا بس صدقوني بمقايس ربنا احنا لم و لن ننجح انا عارفة و متاكدة ان زملائي جواهم خير بس للاسف فتنة الشهرة و النجاح مش بتخلينا نشوف ونقيس الامور صح».

وتابعت: «بتكلم من قلبي الكليب ده ميرضيش ربنا و انا عيطت لاني شفت نفسي في المشاهد دي .. دي كانت زلة نتيجة ظروف مريت بيها و كلنا بنغلط و لازم نغلط علشان احنا بشر بس المصيبة اننا بنغفل و بننسى».

 

حلا شيحة تنهي علاقتها مع الفن

وقالت حلا: «انا مش حتكسف من حد انا تبت من المشاهد دي و هي لا تصح و انا غلطت وبصلح و اهم حاجة ان ربنا يرضى عني لان في الاخر ده اللي حينفعنا مش الشهرة و لا النجاح لا هو مش نجاح أصلا علشان النجاح الحقيقي حاجة تانية خالص احنا اغلبنا ناسينها الا القليلين منا».

وأضافت: «الفن لو بيخلينا نبعد عن منهج ربنا و منبقاش قدوة لولادنا يبقي باطل و ميبقاش فن احنا كلنا عندنا امتحان في الدنيا دي و حابة افكرك بالفيديو ده يا تامر اللي قولت فيه انا مش بتمنى أموت وأنا مطرب انا دايما خايف من كده.. كلام أكيد قولته في لحظة صدق جواك و جوانا كلنا».