كلمات أغنية روما كايروكي مكتوبة كاملة.. (فيديو)
تصدرت كلمات أغنية روما الجديدة مواقع التواصل الاجتماعي المختلفة، من بين الأغاني التي أطلقها كايروكي، حيث لاقت إعجاب الجمهور وأخذ البعض يتداول مقاطع مختلفة منها.
ينشر شبابيك كلمات أغنية روما كايروكي، بعدما تربعت على قائمة أفضل الأغاني الجديدة المطروحة عبر موقع الفيديوهات الشهير يوتيوب.
كلمات أغنية بسرح واتوه كايروكي مكتوبة (فيديو)
كلمات أغنية برازيلي أسمر مكتوبة كاملة.. فيديو
كلمات أغنية روما
نتطرق في النقاط التالية إلى كلمات أغنية روما والتي جاءت على النحو التالي:
صيت في المرايه لقيتني معرفنيش
انا ابن النهاردة ولا انا ابن الماضي
واحد واقف قصادي مش سايبني اعيش
كتبلي الرسالة بيقول فيها الاتي
اما بعد هبدأ الكلام بوعد
هفضل معاك لو انت رعد انا برق
انا رعب انا الماضي الصعب
انا انت لما وقعت
لما الشيطان وزك وسمعت
لما اتعميت ولقلبك بعت
انا الالم اللي في قلبك
انا قلم كتب نعيك انا
انا قلم على خدك
انا اللي هنتك كسرتك انا
انا علم على ارضك
محتل فاكرني حررتك انا
مهما تكبر انا اصلك
انا جذور شجرتك انا
بحاول ومش بايدي
انا عارف انك مش حقيقي
بشاور على بكرة ومش بيجي
يمكن تنساني و اكون انا
اتولدت في ظلمة فطلعت شمعة
ممكن ابقى نور وممكن ابقى ولعة
الدنيا اختبار واحنا زي النار
هنور ولا هنحرق احنا اللي بنختار
انا جوة مني فكرة عايزه تحبسني
الدنيا ادتني قلم غير الالم اللي في جسمي
مسكت بايدي القلم غرزته جوة نفسي
رسمت بيه لوحة ومضيت تحتها اسمي
اسمع
غرزت جامد جوة نفسي بغرق
بحفر في اللاوعي بحاول ادرك
نفوخي شجره عمرها 100 سنة
كل مادي بتتفرعن بقرب للسما
جذوري ببتدفن بنسى مين انا
بحاول افتكر والذكريات مؤلمة
بخدر في الضمير بسكن في النفوخ
جوة مني اسئلة كتير محاوطها الخوف
بحبك ولا دي كذبة عايشها من زمان
يمكن اناني بحب نفسي عشان انتي الامان
بشوف نفسي بعيني ولا بعيون الناس
يا ترى انا كذاب ولا صادق في الاحساس
مهدئات مسكنات بتشطب عالاسئله
الدنيا هيروين والشخصية مدمنة
بحود شمال يمين عشان اهرب من التروما
بس كل الطرق بتأدي لروما
بحاول ومش بايدي
انا عارف انك مش حقيقي
بشاور على بكره ومش بيجي
يمكن تنساني و اكون انا
بحاول ومش بايدي
انا عارف انك مش حقيقي
بشاور على بكره ومش بيجي
يمكن تنساني و اكون انا
