والد حسام حبيب يفجر مفاجأة جديدة حول أزمة علاقة نجله مع شرين عبدالوهاب
فجر والد حسام حبيب مفاجأة جديدة حول أزمة علاقة نجله مع شرين عبدالوهاب التي اتخذت منحدر آخر فور دخولها إلى المستشفى لتلقي العلاج من الإدمان وإعادة تأهيلها نفسيًا.
حسين حبيب يهاجم نجله بسبب شرين عبد الوهاب
ودون حسين حبيب عبر حسابه الرسمي على موقع التواصل الاجتماعي فيس بوك، قائلًا: «قولوا الحق ولو على أنفسكم، هو ينفع أخالف شرع ربنا بحجة إني أحمي أولادي البنات ليها الثلثين والأهل ليهم الثلث بعد عمر طويل وده يخلي الأهل راضيين ويراعوا البنات، بعد عمر طويل ودي صلة رحم وغير كده يزرع العداوة بين الأهل.. أنت كده مش بتحافظ على مال زوجتك أنت بتخالف شرع ربنا».
"وتابع حديثه في المنشور الخاص به، مستطردًا: «النتيجة أنهم فضحوها وقضوا على مستقبلها وزرعت العداوة بينهم وحطمت زوجتك بجهلك بشرع ربنا، ولو كنت بتسأل أبوك كان أرشدك للحق، والكل طلع كسبان يا قاطع صلة الرحم وعاصي أبوك ضيعت نفسك وضيعت البنت معاك».
واستكمل حلقة الهجوم التي شنها على نجله، متسائلًا: «هو ينفع؟ أخوها بقاله أكتر من عشرين سنة بيراعي أخته وهي مصدر رزقه أجي أقفل عليه الحنفية ويقعد أربع سنين من غير شغل وراجع تاني تقفل عليه الحنفية هو وأمه وأخته وعايزه يسيبك، يا ناوي على قوتي ياناوي على موتي».
وقال ضمن حديثه عن نجله وعلاقته بشرين: «الزوج يتعوض الأم والأخ ما يتعوضوش، كلمه حق لوجه الله والدين النصيحة، أنت بتقول لما رجعت ليها العربية واحد بيشتغل معاها أخد العربية اللي بـ 5 مليون وقالها هابقى اديكي بيها شغل».
وأردف حديثه قائلًا: «وواحد محاسب تعرفه قريب شكالها حاله أعطت له 100 ألف دولار وخلع وأنها بتكتب شيكات للناس على بياض أنت كده بتدي مبرر لأهلها ليحجروا عليها وبتطلعها أنها سفيهه وعبيطة وأنا من معرفتي بها إنها واعية وناصحة بتيجي تكحلها تعميها، اسأل أبوك يقولك تقول ايه».
