السيسي يوجه رسالة لرافضي هدم المساجد لتطوير الطرق والمحاور (فيديو)
رد الرئيس السيسي لأول مرة على اعتراض مواطنين على هدم بعض المساجد خلال مشروعات تطوير المحاور والطرق.
كيف علق الرئيس السيسي على هدم المساجد المجاورة لمحور المحمودية؟
قال الرئيس السيسي خلال افتتاح مؤتمر الشباب بالإسكندرية، اليوم الأربعاء: «احنا لما عملنا أول 20 كيلو من محور المحمودية كانت الناس بتشتكي على مواقع التواصل وبيقولوا بتهدوا الجوامع حرام عليكم يا مسلمين.. يا سيدي هنرجع الجوامع والكنائس تاني بس هنرجعها صح».
وأضاف: «إحنا بنهد علشان نبني صح، ونوصل للي احنا وصلناله ده، وبقالنا 3 سنين أو سنتين ونص شغالين على امتداد المحور 55 كيلو علشان أوصل لحد البحيرة، علشان المواطن يكمل من إسكندرية للبحيرة».
وتابع السيسي: «في ناس بتقول البلد بتحب الطرق.. هو انتو مش واخدين بالكم ولا إيه.. الدولة حاجة تانية خالص، في تخطيط بيقوم بيه علماء ودكاترة جامعة، ودكاترة في الوزارات المتخصصة بتحط تصور لو قدرت الدولة تعمله خير، ولو مقدرتش يبقى كلام على ورق».
وقال الرئيس: «محافظ البحيرة طلب مني 800 مليون جنيه من 3 سنين علشان نشيل كل التعديات اللي في أرض المحور، وصرفنا تعويضات اجتماعية».
يشار أن المؤتمر يعد ملتقى للحوار المباشر بين الدولة ومؤسساتها المختلفة والشباب المصري، ويشارك فيه عدد كبير من الشباب يمثلون كافة الشرائح والقطاعات والرياضيين والمثقفين والإعلاميين وشباب الأحزاب وعدد من أعضاء مجلس النواب.
