فيديو| السيسي يسأل المصريين: «ناكل ولا أطور المحاور والطرق؟»
قال الرئيس عبدالفتاح السيسي، إن بناء الدول وإصلاحها ليس بالأمر اليسير، إذ يتطلب تضحيات في سبيل تطوير ركائز الدولة.
الرئيس السيسي: أنا منكم وأمين عليكم
وقال الرئيس خلال افتتاح مؤتمر الشباب بالإسكندرية، اليوم الأربعاء: «شوفوا محور المحمودية كان عامل إزاي، والناس راضية وساكتة، اوعوا تزعلوا مني: ناكل؟ ولا أشيل المحور وأخليه زي ما نتو بتشوفوه دلوقتي والدنيا تبقى صعبة شوية؟، أسيب الناس مرمية في الشوارع وبتنام في الصفيح والأكل موجود ناكل؟ ولا أشيلهم وأسكنهم في بشاير الخير والدنيا تبقى غالية شوية؟».
وأضاف السيسي: «أنا منكم وأمين معاكم وعليكم واللي هيحاسبني ربنا، وبالمناسبة حسابكم إنتو البشر سهل، لكن حساب رب البشر.. ربنا شايف كل حاجة ومطلع على كل حاجة».
وتابع الرئيس: «احنا عاملين ميناء أبو قير في رصيف عمقه 22 متر مش موجود غير في إسبانيا، وفي 7 مليون متر هنعملهم مباني جوه البحر، هنعمل كورنيش جوه البحر في الإسكندرية طوله ييجي 8 كيلو متر، يعني تقريبا نصف الكورنيش في المحافظة».
يشار أن المؤتمر يعد ملتقى للحوار المباشر بين الدولة ومؤسساتها المختلفة والشباب المصري، ويشارك فيه عدد كبير من الشباب يمثلون كافة الشرائح والقطاعات والرياضيين والمثقفين والإعلاميين وشباب الأحزاب وعدد من أعضاء مجلس النواب.
