من هي صاحبة واقعة الفستان الأزرق؟.. ليست متزوجة (فيديو)
كشفت ياسمين، صاحبة الواقعة الشهيرة بـ «رقصة الفستان الأزرق» معلومات جديدة عن تفاصيل حياتها الشخصية، ونفت صحة أغلب ما تداوله رواد مواقع التواصل الاجتماعي عنها بعد انتشار الفيديو، خاصة فيما يتعلق بحالتها الاجتماعية.
معلومات عن ياسمين «صاحبة الفستان الأزرق»
قالت ياسمين في مداخلة هاتفية مع برنامج 90 دقيقة على قناة الحياة، والتي تقدمه بسمة وهبة، إنها عزباء ولم يسبق لها الزواج، وتدرس في الفرقة الأخيرة بكلية الآداب قسم الآثار في جامعة المنصورة.
وأضافت ياسمين: «أنا مش مسامحة أي حد بيتكلم في حقي كلام مش كويس، وحسبي الله ونعم الوكيل في اللي نزل الفيديو واللي استعمله استعمالات غلط، واتكلموا في حقي بالباطل وطلعوا عليا إشاعات».
وتابعت: «أنا بقيت مكسوفة أمشي في الشارع من كتر الكلام والكومنتات السخيفة اللي بتيجي من ناس الله أعلم بيهم هم بيعملوا إيه في حياتهم».
وعن الواقعة، قالت ياسمين: «أنا معملتش حاجة غلط الدنيا كلها بتفرح وبترقص، و90% من اللي واقفين كانوا ستات والفرح كان عائلي، والناس قالوا عليا دي رايحة تجيب عريس».
وواصلت: «مش عارفين مين صور الفيديو، والأستاذ أمير متولي المحامي بتاعي قدم بلاغ لمكتب النائب العام، وإن شاء الله حقي يرجع».
وقالت: «اتعرضت لإساءات في الجامعة وده كان بيخليني مش عايزة أكمل امتحانات بسبب التنمر، ووالدتي اتصدمت بالكلام اللي كان بيتقال عليا، ولكن هي واقفة في ضهري».
