السيسي يجيب: هل يمكن إلغاء تخفيف الأحمال؟
كشف الرئيس عبدالفتاح السيسي معوقات وقف العمل بخطة تخفيف الأحمال بشكل نهائي، خلال حديثه أثناء زيارته محافظة جنوب الوادي لافتتاح عدد من المشروعات التنموية، اليوم السبت.
لماذا يتم قطع الكهرباء في مصر؟
قال الرئيس السيسي خلال كلمته: «لو أنا خدت تمن الكهرباء الحقيقية هضاعف تمنها مرتين، والغلبان هيروح مني فين، فأقطع الكهرباء ولا أغليها واللي بيدفع جنيه هيدفع 2 و3».
وأضاف السيسي: «لو أنا عايز أبيع الكهرباء بسرعها اللي بتكلفهوني دلوقتي المواطن اللي بيدع 100 جنيه هاخد منه 300 جنيه، واحنا مش بنعمل كده، وأنا بشرح من باب تحمل المسؤولية أمام الله وأمامكم».
وتابع: «علشان الكهرباء تستخدم على مدار 24 ساعة ومفيش قطع كهرباء خالص فلازم أخلي تمن الكهرباء لوزير الكهرباء قد تمنها ده مرتين تلاتة».
وواصل: «مديونية وزارة الكهرباء لوزارة البترول كبيرة، ومش بيدفعوا لإن اللي بياخدوه أقل من التمن، ووزارة البترول عندها مشكلة لإنها بتورد البترول بأقل من تمنه، فمش بتقدر تشتريه والشركات اللي شغالة معانا بقت ليها فلوس عندنا».
وقال: «الكلام ده مش وليد النهاردة، ده وليد ممارسات احنا ماشيين بيها بقالنا سنين، وكنا عملنا خطة في 2016 علشان نخلي تمن الحاجة قد تمن تكلفتها، لكن لازم تحطوا في الاعتبار التحديات اللي بتقابلنا في الأزمة بتاعة كورونا والأزمة العالمية والحروب وتأثيراتها علينا».
جبل الزيت.. ما حقيقة بيع أكبر محطة لتوليد الكهرباء؟
وأضاف: «احنا مواردنا مش كتير تسمح إننا نقابل التحديات دي من غير جهد ومن غير تحمل، وأنا بعيب على المعنيين في التقارير الصحفية والمقالات اللي بتتكتب محدش بيتناول المسألة بشكل موضوعي، هو انتو مش عارفين ولا احنا مخبيين عليكم.. الدور مش بتدار كده».
