أبو عزة من موظف بشركة عالمية إلى مُشرد يعتدي على القطط.. حياته اتشقلبت

بات اسم أبو عزة رائجًا على مواقع التواصل الاجتماعي، بعد قيام صديق له بنشر قصته المثيرة للتعاطف والشفقة بعد أن تحول موظف بشركة عالمية إلى مشرد بالشارع.

قصة تحول حياة أبو عزة في غضون 10 سنوات

 فقد دوّن صاحب حساب «Abdulrahman Mahmoud» عبر فيسبوك منشورًا يروي قصة حياة أبو عزة التي انقلب رأسًا على عقب في غضون 10 أعوام، وحازت على تفاعل ومشاركة عدد كبير من المستخدمين نظرًا لتأثرهم.

بدأ عبد الرحمن منشوره قائلا: «من 10 سنين، كنت شغال في Teleperformance وكان معايا أبو عزة كنا بنقعد نشتغل جمب بعض، الراجل ده كان من أنضف وأجدع الناس اللي قابلتهم محترم وبشوش دايمًا بيساعد الكل وبيعامل الناس بأدب وطيبة قلب حقيقية».

وأضاف معبرًا عن أسفه الشديد لما مر به زميله: «للأسف، الأيام دارت بيه والنهاردة أبو عزة بقى في حالة صعبة جدًا، بقى مجذوب في الشارع والنهاردة اتقبض عليه.. بس أنا بكتب الكلام دا علشان أقول إن أبو عزة مكنش كدا ومكانش يستاهل اللي هو فيه أيًا كان عمل ايه».

وأردف عبد الرحمن محمود موضحا سبب نشره لقصة أبو عزة: «الناس بتتغير مش بإيدها  الظروف ساعات بتكسر الواحد لدرجة إنه ميبقاش هو وده بالظبط اللي حصل».

وطلب من رواد مواقع التواصل الاجتماعي التفاعل من المنشور لرد اعتباره زميله ومساعدته لتخطي تلك الأزمة: «أنا بكتب البوست ده وقلبي واجعني علشانه، والله ما كان يستاهل كدا، أرجو منكم البوست ده أو غيره عنه يوصل لأكبر عدد ممكن، يمكن نلاقي حل يمكن نساعده يخرج من الحبس ونرجع له جزء من إنسانيته وعقله اللي ظروف بدلتهم غصب عنه.. احنا مش أقل من إننا نوقف جنب بعض في وقت الشدة».

ووفقًا لما ذكر عبد الرحمن، فإن وزارة الداخلية قامت بإلقاء القبض على أبو عزة بعد تداول مقطع فيديو له وهو يعتدي على عدد من القطط بعد ربطها في محافظة الجيزة، ما تسبب في تضرر إحدى السيدات.

وحرص زميل أبو عزة على نشر صور له تظهر الاختلاف الواضح عليه، منذ كان موظفا في الشركة العالمية Teleperformance والابتسانة تعلو وجهه، وأخرى تبين ما وصلت إليه حالته بسبب الظروف التي مر بها.