الجمال نقمة أم نعمة؟.. البنات بتجاوب
يلاحق الرجال المرأة الجميلة بأعين محملة بالرغبة لكن الغيرة تحوطها فتتحول لقنبلة تفجر أزمة. يقولون «كلما زاد جمال المرأة.. زادت معاناتها».
الرجال يتمنون الحصول على المرأة الجميلة، ويراها الناس قنبلة ستدمرها الغيرة في أي لحظة، ومع هذا الإحساس تتحول الصفة على مدار الوقت من ميزة تُجمل الحياة لنقمة تعكر صفوها وتدمرها.
وتزداد قائمة الممنوعات التي تُفرض عليها بل ويُضاف إليها أوامر جديدة تتعلق بمنعها من مزاولة عملها أو الخروج من البيت سواءً كان ذلك من قبل الزوج أو نظرة المجتمع التي تحيطها دائمًا بسياج ينبغي عليها عدم الخروج منه.
سؤال كل البنات.. الولد لما يحب بيخاف يتقدّم ليه؟
هناك فتيات ونساء استغلين جمالهن للسير في طريق مليء بالغرور، وتحولت نعمة الجمال إلى نقمة دائمة، إضافة إلى المجتمع الذي لا يترك الجميلات في حالهن.
جمال البنت نقمة بتحاول تخبيها
«شبابيك» سألت البنات في الموضوع ده. «منة. م» قالت إن «تطفل المجتمع بتاعنا وصل البنات إنها تكره تكون جميلة لإن التحرش اللي البنت بتشوفه وبتتعرضله في الشارع لمجرد إن شكلها حلو ولبسها مظبوط خلى ناس كتير تفكر في الحجاب والإسدال لمجرد إنها تبعد عن المعاكسات أكتر منه أنه شكل ديني».
وتضيف: «جمال البنت بقى حاجة بنحاول نخبيها علشان اللي بيحصل في الشارع، بالإضافة إن الناس أحيانًا كتير بتقرب من البنت الجميلة علشان هي جميلة بس من غير متاخد بالها من أي تفاصيل تانية فيها زي نجاحها أو طيبتها أو مساعدتها للي حواليها».
للبنات.. إزاي تتعاملي مع تغيرات المراهقة؟
الشباب مبيهمهاش غير شكل البنت
«أميرة. إ» بتقول إن «في مصر أي بنت جميلة معرضة إن جمالها يكون نقمة عليها لإنها بتكون هدف أغلب الشباب بيعوضوا من خلاله النقص وقلة الثقة في حياتهم الشخصية، والأمر كمان ينطبق على بعض البنات لإن عدد كبير من البنات بتكون مدمنة للمدح والإعجاب وهنا هي بتستغل الصفة دي في تعويض الإحساس ده، بس للأسف ده بيضرها في النهاية وبيتحول لنقمة عليها أكتر ما هو نعمة».
الغرور بيحول جمال البنت لنقمة
«مريم. ع» اختلفت مع قريناتها قائلة إن: «جمال البنت بيتحول لنقمة في حياتها من المجتمع لما يكون اللي بيتعامل معاهم شايف منها شكلها، بس هي أحيانًا بيكون ليها يد في النقمة دي لما تكون مش شايفه جمالها أصلًا وبالتالي هي مش عارفه قيمته وكمان لما يكون الجمال ده الحاجة الوحيدة اللي بتخليني واثقة في نفسي، في الوقت ده هيكون نقمة لإنه هيعمي عنيا عن حاجات تانيه كتير حلوة».
نعمة لما بتحافظ عليها
«هدى.ش» قالت إن: «الجمال بيكون نعمة لما بتحافظ عليه وتصونه بس بيتحول لنقمة لو استخدمته بشكل غلط يأثر على سمعتها وحياتها علشان كده من الضروري إنها تعرف تستخدمه إزاي لإنه ممكن يتحول لإبتلاء».
