للجبناء.. 5 خطوات لهزيمة «الخوف»
مهما كثر عدد خصومك فلن تجد عدوا مثل «الخوف» قادر على تدمير حياتك للأبد، لذلك إذا كنت ممن يعانون ضعف الإدارة لا تقرأ هذا التقرير وتعايش مع سلبياتك حتى تموت أسيرها.
أما إذا أردت التخلص حقًا من خوفك، فـ«شبابيك» بيقدملك في الموضوع ده مجموعة من النصائح وصفها استشاري الأمراض العصبية والنفسية شريف سويدان لو نفذتها على أرض الواقع مش هتخاف تاني.
افعل ما تخاف منه
طول ما أنت خايف من الدخول في أي حاجة جديدة عمرك ما هتتقدم خطوة، خوفك مش بس هيأثر على حياتك الشخصية لا ده هيبعد عنك المحيطين بيك لإن الناس بتحب الشخص الواثق في نفسه واللي بيعرف متى يقرر يعمل الشيء ومتى لا، مش اللي الخوف بيمشيه.
لا تجهد أعصابك
لابد أن تعي جيدًا أن تهدئة التنفس ونبضات القلب والاحتفاظ ببعض أوقات الراحة خلال اليوم؛ سيساعدك كثيرًا في إتخاذ قرارات سليمة دون أي خوف.
أيضًا تعلم بعض تمارين الاسترخاء؛ لأن ذلك له دور هام في تصفية الذهن ومساعدتك في التغلب على الخوف.
قوي ثقتك في نفسك
منين عاوز تتغلب على الخوف وثقتك في نفسك ضعيفة، لازم تعرف إن ثقتك في نفسك لما تكون قوية هتلاقي الخوف بيضيع لإن ناس كتير مننا سبب خوفهم بيكون قلة ثقتهم.
خوفهم من الكلام قدام الناس راجع لقلة الثقة، وخوفهم من الدخول في تجربة جديدة راجع بردوا لقلة الثقة.
جهز نفسك للنجاح
لو عرفت تطور نفسك صح عمر ما الخوف هيرجعك خطوات عن اللي بدأته، لازم تعرف إن الخوف هيبعد عندك طول ما أنت حاسس بقوتك وعارف كويس حجم قدراتك.
وظف قدراتك دي لنجاح محدش يتوقعه علشان الخوف يسيب طريقك خالص؛ لإن الفاشلين بس هو اللي الخوف بيعرف طريقهم.
وسع علاقاتك الاجتماعية
للأسف أغلب الناس اللي عندها فوبيا الخوف مبتحبش تتعامل مع الناس وده طبعًا بيزود الفوبيا دي مش بيقللها بالعكس، علشان كده لو عاوز فعلًا تتخلص من مشكلتك لازم تعرف إزاي توسع دائرة علاقاتك وتتعرف كل فترة على ناس يفيدوك على كل المستويات.
