رئيس التحرير أحمد متولي
 لعلاقات سوية مع الآخرين.. 5 نصائح

لعلاقات سوية مع الآخرين.. 5 نصائح

أوقات كتير بنحس إننا مش حابين نقرب لأي حد حتى أقرب الناس لينا، وبعد ما نفوق تكتشف إن علاقاتنا باللي حوالينا اتهزت وصعب ترجع زي الأول.

علشان كده حاول متفكرش في اللي فات، ومهما اتكسر فيك حاجات حافظ على اللي جاي مع 5 نصائح هتفيدك لضمان علاقة سوية مع الآخرين.

لا تفرض نفسك على الآخرين

tumblr_m0w359bY411qad2wmo1_500

لازم تعرف إن علاقتك باللي حواليك قايمة على الحدود اللي أنت وهما حطيتوها لبعض، ومهما كانت درجة قربكم لبعض لازم تعرف إن لكل إنسان خصوصيات مبيحبش يتكلم فيها إلا مع نفسه.

وعلشان كده لو لقيت شخص مش حابب مثلًا يتكلم أو في مشوار معين حابب يكون فيه لوحده أو حتى عرفت من بعيد إن عنده مشكلة معينة بس هو مجاش قالك عليه، في الوقت ده أوعى تروح تتكلم معاه فيها لإنه ببساطة ممكن ميكونش حابب يتكلم معاك فيها. اقرأ أيضًا⇐هل من الممكن أن تكون لطيفا «بزيادة»؟

قول لنفسك إن الناس بتتغير

ناس بتتغير

طول ما أنت شايف إن كل الناس ملايكة هتفضل تتخدع في ناس كتير، وإن كان مش الصح إنك تشوف كل الناس سيئة.

كل اللي عاوزه أوصلهولك هنا إن الناس بتتغير، فممكن تلاقي أقرب حد ليك كان بيتعامل معاك كويس وحصلتله حاجة معينة غيرت فيه وفي شخصيته حاجات كتير، وهنا ممكن تلاقي اهتمامه مبقاش زي الأول معاك، في الوقت ده بلاش تتصدم لإن أحيانًا بيكون الموضوع خارج عن إرادته وممكن اللي انتقدته النهارده ينتقدك بكره لما يحس إنك اتغيرت سواءً بإرداتك أو من غير.

راجع نفسك لما تغلط

راجع

مهم جدًا وإن بتتعامل مع اللي حواليك إنك لما تغلط تراجع نفسك وتعترف بالغلط ده علشان ميتكررش.

مش عيب إنك تعترف بغلطتك بس العيب إنك تفضل متمادي فيها؛ لإن تصميمك ده هيخسرك اللي كل حواليك ومش هتعرف تكمل معاهم طول ما تفكيرك قايم على إنك شخص صح عمره ما بيغلط، بالإضافة إن طريقتك دي هتحسسهم إنهم مش فارقين معاك.

تجاربك اللي فاتت هتفيدك بعدين

ew (29)

مش معنى إنك عرفت أشخاص كل اللي بيهمهم من اللي قدامهم، مصلحتهم وبس إن كل اللي هتعرفهم بعد كده هيطلعوا زيه، فحاول تراجع نفسك وتعرف إيه الأخطاء اللي ارتكبتها معاه علشان متتكررش تاني.

لازم تعرف إن كل تجربة هتدخلها هتفيدك بشكل كويس لما تيجي تتعامل في حياتك بشكل عام، بمعنى تاني هتكون عرفت إزاي تتعامل صح وإيه الحدود اللي المفروض تبقى في علاقتك علشان متكررش أخطاءك السابقة.

تخلى عن العلاقات المرهقة

img_girls-ly1419492879_936

إيه اللي يخليك تستمر في علاقة وإنت عارف إنها بتتعبك أكتر ما هي بتفيدك؟، مهما جيت على نفسك مش هتعرف ترضي اللي قدامك لإنه دائمًا هيكون شايفاك غلطان.

ومع كل مرة بتيجي فيها على نفسك هتفضل تخسر فيها حاجات كتير لحد ما توصل لطريق الموجود فيه حد تاني غيرك، وساعتها لازم تعرف إن الغلط هنا منك مش منه هو؟ لإن مستحيل هو يهتم بيك أو يراعي مشاعرك وأنت نفسك مبتهتمش بيها. اقرأ أيضًا⇐مستعد للارتباط؟.. الأمور دي لازم تاخد بالك منها الأول

ههههههههههه

هه

سوزان حسني

سوزان حسني

صحفية مهتمة بالكتابة في مجال العلاقات