ع الصبح.. 10  دقايق هتغير يومك

الروتين الصباحي اليومي بيعمل فرق كبير في يومك وحياتك عامة، ومعظم الأشخاص الناجحين عندهم مجموعة عادات صباحية مفيدة.. ليه متجربش عادة من العادات دي؟

العادات صعبة في البداية لكن بالاستمرار والمداومة هتتعود عليها لحد ما تعملها تلقائيًا.

ممكن تفتكر أن مفيش وقت الصبح عشان تعمل أي حاجة، لكن دي قايمة مش هتاخد أكتر من 10 دقايق، ممكن تختار منها حاجة أو حاجتين تعملهم.

الدقيقة 1: معقلة عسل

20_12_1213560332771

لو معندكش وقت تحضر فطار صحي، ممكن تاخد معلقة أو معلقتين عسل. العسل ليه فوايد كتير وهينشط جسمك ويفوقك طول اليوم دا غير إنه محفز للكبد وبيساعد الجسم على التخلص من السموم.

ممكن تاكل معلقة العسل لوحدها، وممكن تدوب معلقة العسل في كوباية ميه دافية وتشربها.

الدقيقة 2: اغسل سنانك

keep-teeth-clean_533x255_ThinkstockPhotos-78652984

غسل الأسنان مهم لسببين، الأول أنك ممكن تتشغل طول اليوم وما تفكرش تغسل سنانك ودا مضر جدا، التاني أن دا هيخليك fresh ومنتعش طول اليوم.

الدقيقة 3 و4: هدوء لمدة دقيقتين

1ccb89c404651d17587d30a2d5d99596

اقعد لمدة دقيقتين في هدوء تام، كأنك هتريح شويا بعد ما صحيت وخدت معلقة العسل وغسلت سنانك، اتنفس بعمق وأنت قاعد وحاول متفكرش في أي حاجة.

لو قدرت تزود مدة الهدوء والاسترخاء يبقى أفضل، لأن الاسترخاء مهم في اليوم اللي دايما مشحون ودايما مليان شغل أو مذاكرة.

الدقيقة 5: اتكلم مع نفسك

talking-mirror

ممكن تستخدم مراية أو كاميرا الموبيل selfie في أنك تتكلم مع نفسك وتشجعها وتوجهلها كلام إيجابي.

فكر نفسك بأهدافك أو بإنجازاتك أو بالغلطات الي مش هتكررها والحاجات الي اتعلمتها في اليوم الي قبله.

الدقيقة 6 و7: اتحرك

HN_BB_Sneak_in_Exercise_12_11_12_v2-img_1280x720

قبل ما تنزل المدرسة أو الشغل، خصوصا لو شغلك بيخليك دايما في مكان واحد وقليل ما بتتحرك، اعمل تمارين بسيطة جدا بحيث يكون هدفها أنك تحرك أطرافك وضهرك ورقبتك.

الدقيقة 8: اقرأ

Read-book-cover-cover

اقرأ حتى لو صفحة واحدة من الكتاب، صفحة مش هتاخد وقت أكتر من دقيقة.

الدقيقة 9 و10: اكتب

writing-828911_960_720

لو طبقت الحاجات الي فاتت دي هتبقى متحمس تبدأ يومك، ولازم تستغل حماسك دا في أنك تطلع أفكار أو حاجات عايز تعملها، اكتب اللي في دماغك أفكار، أو مشاعر، أو مشاكل عايزة تتحل، أو حاجات لازم تتعمل خلال اليوم وهكذا.

المصدر 

مش كلة عرق الصيف

منة مدحت

صحفية ومترجمة مهتمة بالكتابة في ملف العلاقات والثقافة الجنسية

ميكس ميديا