وفر فلوسك.. 5 مواقع هتساعدك تتعلم إنجليزي
مش محتاج تدفع آلافات في كورسات وتضيع وقت ومجهود أنك رايح الكورس وبتذاكر للكورس، علم نفسك بنفسك، ملايين البشر بيتعلموا ذاتيًا دلوقتي على الإنترنت.
في التقرير ده هنعرفك على مواقع هتساعدك في إنك تقوي اللغة الإنجليزية، لو استقريت على موقع واحد منهم وقررت تكمل فيه، مش محتاج تديله أكتر من ساعة واحدة كل يوم أو حتى نص ساعة.
اقرأ أيضا ⇐ عايز تتكلم إنجليزي.. 5 قنوات يوتيوب هتساعدك
لو أنت لسه بتتعلم من الأول خالص أو لو مستواك متوسط ومحتاج تحسنه، المواقع دي هي زتونة الإنجليزي، هتخليك تسمع وتقرأ وتكتب بسهولة.
شوية حاجات عشان تستفيد من المواقع دي:
- اعتبر اي موق منهم هو كورس جايلك لحد عندك ببلاش يعني فرصة متضيعهاش. - اهم حاجة الاستمرارية، يعني لو فضلت اسبوع بتتعلم وبعدين اسبوعين لا، غالبًا هتكون نسيت الي اتعلمته وتضطر تبدأ من الأول - التزم بوقت معين تفتح فيه المواقع دي، وحاول تكون في جو هادي ومفيش إزعاج حواليك.
1) دولينجو Duolingo
«دولينجو» مش موقع تعليم الإنجليزية بس، «دولينجو» ممكن تتعلم عليه لغات كتير زي الألماني و الفرنساوي والأسباني، وليه مميزات كتير جدا:
- هتحدد المستوى الي عايز تبدأ منه، ولو مش عارف مستواك بالظبط هيعملك امتحان ويجهزلك الكورس المناسب ليك. - طريقته هتخليك تكمل فيه، لأن تصميم الموقع جميل جدا ومشجع. - بتتعلم إنجليزي بالعربي، يعني متاح أنك تخلي اللغة الأساسية بتاعتك العربي وأنت بتتعلم إنجليزي. - الموقع بيتابع معاك تطورك، وكورس اللغة بتاعك هيبقى عبارة عن أقسام كتير وبعد ما تخلص كل قسم مش بتسيبه كدا خلاص، لكن بترجعله تاني لأنك هتنسى الكلمات الي اتعلمتها والموقع بيراعي الحتة دي بأنه ينقص من درجات الأقسام دي عشان ترجعلها تاني وتعيد عليها.
هتعمل أكونت على الموقع وممكن تدخل بأكونت الـ«فيس بوك» بتاعك.
وممكن تحمل الأبلكيشن بتاعه وتكمل الكورس على الموبايل لو بتضيع وقت كبير في المواصلات، استغل الوقت دا بأنك تزود حصيلتك اللغوية وتحسن من نطق الإنجليزي.
2) busuu
دا زي دولينجو، برضو هتتعلم اللغة الإنجليزية بالعربي يعني بلغتك الأصلية ودا هيسهل عليك كتير، الميزة في الموقع دا أنك بتاخد واجب بتعمله ومش بيتصحح إلكترونيًا إنما بيصححه ناس محليين ناطقين باللغة دي. وبرضو هتحدد مستواك قبل ما تبدأ الكورس، ولو مش عارف هتعمل امتحان تحديد مستوى.
وفي أبلكيشن برضو وممكن تنزله على موبايلك، وتديله كل يوم من وقتك عشر دقايق.. المهم أنك تستمر فيه على المدى الطويل، وهتلاحظ فرق كبير جدا في اللغة كتابة ونطقًا كمان.
3) speechyard
الموقع دا هيعجبك لو أنت بتحب الأفلام، هتتعلم إنجليزي وانت بتتفرج.
كل الفيديوهات فيه مترجمة للإنجليزي والكلمة الي مش عارفها هتدوس عليها وهيطلعلك معناها، يعني مش محتاج تكتبها وتدور عليها في القواميس.
لو أنت مبتديء الموقع دا هيبقى صعب عليك شويا، هو محتاج حد يكون متوسط أو فوق المتوسط عشان تعرف تكمل فيه، يعني لما تخلص كورسات المواقع الي فوق ممكن تفتحه بحيث تخلي الإنجليزي بتاعك زي الأجانب.
هتلاقي عليه كل حاجة بداية من الأخطاء اللغوية الأشهر حتى طريقة نطق الكلمات.
5) lang 8
الموقع دا برضو تقدر تتعلم إنجليزي عليه بالعربي وممكن تسجل عليه من «فيس بوك» أو «تويتر»، وهتتعلم مع الناطقين الأصليين للغة، ممكن كمان أنت تعلمهم عربي وهم يعلموك إنجليزي.
