متخفش.. 5 طرق تشجع بيها نفسك

كل واحد مننا عنده مخاوفه اللي بتخليه شارد في الحياة ومش بينام الليل، بس عمرنا ما فكرنا إننا نقف قدام مخاوفنا دي، يمكن مش عارفين إزاي؟

في الموضوع ده «شبابيك» بيقولك على طرق تشجع بيها نفسك وتقف قدام مخاوفك نقلا عن موقع Life hack.

أقف قدام المراية

Jan. 20, 2009 ÒPresident-elect Barack Obama was about to walk out to take the oath of office. Backstage at the U.S. Capitol, he took one last look at his appearance in the mirror.Ó (Official White House photo by Pete Souza) This official White House photograph is being made available only for publication by news organizations and/or for personal use printing by the subject(s) of the photograph. The photograph may not be manipulated in any way and may not be used in commercial or political materials, advertisements, emails, products, promotions that in any way suggests approval or endorsement of the President, the First Family, or the White House.

بص لنفسك جامد واجهها بكل ما فيها من خوف وقلق وقولها بصوت عالي «أنا بحبك» طمنها وحاول تطمن نفسك. ممكن الموضوع ده بالنسبة ليك يبقى سخيف بس لما تعمله هتحس بأهميته اللي هتنعكس على نفسك.

رياضة جديدة مخيفة

مارس أي رياضة جديدة بالنسبة ليك مخيفة، لأنك لو مارستها هتشجع نفسك وتكسر خوفك يعني ممكن مثلًا تكون مكان الراجل اللي في الصورة وتتسلق جبل سانت كاترين.

هدف لحاجة مش متوقعة

فكر إنك تحط هدف لحاجة كان نفسك تعملها بس عمرك ما توقعت إنك تحققها لأنك خايف تخوضها سواء كان شغل أو دراسة أو علاقة. ولما تعمل كده مخاوفك هتروح وهتلاقي نفسك بتحقق هدفك وبتوصل للحظة السعادة اللي وصل ليها ويل سميث في فيلم The Pursuit of happiness.

إتكلم مع الناس

اكسر خوفك واتشجع وتدرب إنك تتكلم مع اللي حواليك ممكن الموضوع في البداية يكون صعب عليك إكمنك معندكش الشجاعة الكافية إنك تعمل ده بس بعد كدة هتلاقي الحكاية بقت سهلة وإنك قادر تتشجع وتتكلم مع الأخر.

تدريب يعني تشجيع

اتشجع أكتر بإنك مثلًا تتدرب على هواية كان نفسك تمارسها أو تتعلم لغة أو تدخل مجالات شغل جديد يعني تحتك بالحياة أكتر وأكتر، وواحدة واحدة هتلاقي نفسك ثقتك بنفسك بتزيد وقدرتك على الوقوف قصاد أي خوف هايلة بس أهم حاجة إنك متيأسش ولا توقف شغل على نفسك.

المصدر