فنادق دي ولاتحف فنية.. شوف بنفسك
لسة مستمرين معاكو في نشر أغرب الحاجات حول العالم وفي الموضوع ده جبنا ليكوا أغرب الفنادق اللي الواحد أول ما شافها يتمنى إنه يعيش فيها بقية عمره مش يقضي فيها أيام بس :D
الفندق ده موجود في أمريكا واستلهم فكرة الأوض بتاعته من مولان روج ولاس فيغاس وكوكب المريخ وجلد الأوضة معمول من جلد المهر الفارسي.
أنابيب صرف صحي مجددة. الفندق الصغير اللي شايفينه قدامكوا ده واللي بيتيح ليكوا جو من الراحة على ضفاف نهر الدانوب اللي موجود في النمسا.
طيارة جامبو بيرجع تاريخها لسنة 1976 اتحولت لفندق جميل جدًا في السويد بيوفرلك إقامة مميزة والاختيار ما بين غرف داخلية أو غرف مزدوجة.
منطقة لوس ريوس جنوب تشيلي فيها الفندق العظيم ده اللي هو عبارة عن جبل أعلاه شلال والأوض بتاعت الفندق موجودة جوا الجبل.
والجبل السحري ده في الأصل كان مكان للناس اللي بيحبوا يصطادوا في المحمية. وعشان تقضي ليلة في الفندق ده بتدفع حوالي 300 دولار شاملة الفطار بس.
منتجع بوسيدون تحت الميه، وأخد وقت 13 سنة عشان يتبني وعلى الرغم من كدة لسة محدش حدد امتى هيتم إفتتاحه بس فيه حوالي 150 ألف واحد مستنيينه يفتح عشان يروحوه، واللي صمم الفندق ده بروس جونز رئيس مجلس إدارة شركة الغواصات «تريتون».
مدينة لودج، برلين، ألمانيا فيها فندق صممه الفنان الألماني لارس ستروشين ويعتبر فريد من نوعه من حيث شكله اللي فيه كذا فكرة منها المرايات والفندق ده بيتكون من 30 أوضة، وكل أوضة معمولة بتصميم مختلف.
الفندق ده موجود في وسط غابات الصنوبر في السويد والغابات دي فيها أنواع من الأشجار الفريدة وده بيخلي الفندق موقعه متميز واللي هيعيش فيه هيكون في حالة عظيمة. ومفروض إن لسة هيتم إفتتاحه.
وده فندق موجود في ألمانيا أوضه على شكل عربيات قديمة ودور سينما.
فندق دونات موجود في الصين على بحيرة تايهو بين نانجينغ وشانغهاي وإتصمم على شكل مغناطيس من قبل المهندس المعماري مايان سونغ.
وفيه 27 دور و321 أوضة من ضمنها 44 جناح و39 فيلا وفي لوبي الفندق موجود 20 ألف قطعة كريستال منوعة من ماركة شوارفسكي.
