الدنيا بتحط عليك وأنت طيب؟ اعرف السبب من هنا

أنت إنسان كويس وبتحب الخير للناس، بس الدنيا بتحط عليك والناس بتعملها معاك، وبتسأل نفسك «ليه دايمًا بتعرّض لمواقف وحشة منهم في حياتي مع إن العكس مفروض يحصل؟»

كتير بتسأل نفسك السؤال ده ومش بتلاقي إجابة لكن في الموضوع ده واللي نقلناهولك من موقع «Storypick» هتلاقي الإجابة.

اعتقادك بأنك هتغير اللي قدامك

بما إنك إنسان طيب بتشوف إن كل اللي حواليك عندهم نفس الجانب الطيب اللي عندك، وبتكون معتقد إنك هتحاول تغيرهم للأحسن وتقدر تساعدهم على إنهم يكونوا كويسين.

تحمل الألم لأقصى درجة

ولما يرفضوا مساعدتك بيكون عندك القدرة إنك تتحمل الألم لأقصى درجة ممكنة يتحملها عقلك وجسمك.

بتشوف الناس كلها كويسة

بتهتم بالناس على الرغم إنك عارف إنهم ميستحقوش اهتمامك ده وبرده بتحاول تحافظ على علاقتك الكويسة معاهم على الرغم إنك عارف إنهم مش مقدرينك كويس.

اختيار الشخص الغلط

من أول ما بتصدق إنك تقدر تغير الناس للأحسن بتلاقيك إنك بتختار أشخاص غلط يكونوا في دايرتك بدون ماتفكر في الموضوع بموضوعية.

العالم أبيض وأسود

العالم بالنسبة ليك أبيض وأسود. الأبيض بيعبر عن الشيء الحلو والأسود عن الشيء السيء ومفيش أي مساحة وسط ما بينهم.

طيبة قلبك بتعرضك للحسرة

قربك من الناس الغلط وتصديقك ليهم بأنهم طيبين زيك بيخلي قلبك يتعرض للحسرة والحزن.

 طيبة القلب هي سلاحك ضد الشر

طيبة قلبك هس السلاح الوحيد اللي بتحاول تقف بيه ضد الشر اللي بتواجهوا من الناس حواليك واللي على الرغم من كدة سهل إن حد يلعب بيها ويخليك تحزن وتعيط.

المكان الغلط في الوقت الغلط

من كتر ثقتك العمياء في الناس بتلاقي نفسك بتقع في ورطة ومبتكونش عارف إيه الذنب اللي أنت عملته.