عنواين أشهر مكاتب كاستينج تمثيل

عنواين أشهر مكاتب كاستينج تمثيل


لو عايز تمثل.. عناوين أشهر مكاتب كاستينج تمثيل

نفسك تاخد فرصة وتمثل ومش عارف تعمل إيه؟ في الموضوع ده هنقولك على أماكن مكاتب «كاستينج» تروحها وتجرب حظك لعل وعسى في يوم من الأيام تطلع في عمل فني وتبقى فنان معروف :) 

هعمل إيه؟

هتكلم المكتب أو تروح ليهم على طول وتقولهم إنك حابب تمثل وعايز تعمل كاستينج. ولما يدوك معاد جهز أي مشهد حافظه من أي مسلسل أو فيلم أو مسرحية.. بس مشهد يكون عليه القيمة، وإنت بتعرف تمثله صح وحلو قوي، عشان تكون مأمن نفسك لو قالولك في الكاستيج مثل لينا حاجة. ولما تروح الكاستينج هتعمل جنرال كاستينج.

إيه الجنرال كاستينج ده؟

هيسألوك عن اسمك وسنك وطولك ووزنك وبعد كدة بتتصور صورة بروفايل بالجنب اليمين وتبص ليه بإبتسامة وصورة بروفايل بالجنب الشمال وتبص ليه بابتسامة وبعد كده بيسألك لو فيه حاجة مثلتها قبل كدة وبياخد منك رقم تليفونك.

والفيديو اللي عملوه ليك ده بيكون عندهم ولما مخرج بيجي بيكون عايز حد معين بمواصفات معينة بيطلعوا الفيديو ده ولو كانت مواصفاتك هى اللي المخرج عايزها بيكلموك .وده فيديو توضيحي للجنرال كاستينج من على صفحة مكتب كاستينج حازم الأسواني على اليوتيوب.

أماكن وعناوين مكاتب الكاستينج 

العنوان : 5 صلاح الدين من جزيرة العرب، المهندسين. التليفون :01127632123 صفحة المكتب على اليوتيوب من هنا 

العنوان : 13 شارع سوريا عند بنك باركليز،  المهندسين. التليفون :33451496

فاكس :33451495

العنوان:11 شارع الدوري العجوزة التليفون:  01119003100

العنوان:  24 شارع الأشجار ورا سيراميكا كليوباترا من البطل أحمد عبد العزيز المهندسين التليفون:  01010313248 01125844990 01006966306  

رغدة جلال الدين

رغدة جلال الدين

صحفية مصرية تكتب في المجال الفني، إلى جانب كونها ممثلة ومغنية بفرقة «بهججة»

ميكس ميديا