6 محلات في وسط البلد نقي منهم شنطة إيدك

عايزة تتشتري شنطة جديدة ومحتارة تروحي فين؟.. في الموضوع ده عملنا ليكي جولة مخصوص في منطقة وسط البلد عشان نعرفك أبرز المحلات  اللي فيها شنط حلوة ومبهجة تناسب فصل الصيف.

مروان 

المحل ده شدنا فيه إستايل بعض الشنط زي اللي في الصورة، والمنقوش عليها رسومات حلوة ومبهجة، وده بجانب شنط نصها جلد سادة ونصها التاني منقوش برسمة، وكل الرسومات ألوانها مبهجة تناسب جو الصيف.. سعر الشنط دي بيتراوح من 220 جنيه لـ225. عنوان المحل: 15 شارع 26 يوليو بجوار مطعم جاد. المرشدي 

محل المرشدي من المحلات المعروفة في وسط البلد وعنده شنط كتير بأحجام مختلفة، منها المستورد اللي بيبدأ سعره من 190 جنيه والمصري من 150 وشنط الهاندباج بتبدأ من 180. عنوان المحل: 9 شارع 26 بوليو.

أصيل 

شنط محل أصيل 95% منها شنط مستوردة وعلى الرغم من كدة أسعارها مناسبة جدًا ليكي يعني بتبدأ من 100 لي 290 جنيه وأشكالها زي ما إنتي شايفة روشة وجديدة للصيف.

عنوان المحل: 34 شارع قصر النيل. Club aldo 

أما محل «Club aldo» فعنده شنط بألوان وأحجام مختلفة مربعة ومستطيلة وغيرها كتير  وكلهم صناعة مصرية بيبدأ سعرها من 120 جنيه لي 210. عنوان المحل: 29 شارع طلعت حرب قدام محل «Tata tio» للجزم والشنط. 3M   

أما بقى «ثري إم» فأسعار الشنط عنده بتبدأ من 40 جنيه وحبينا نصور ليكي زي ما إنتي شايفة الأسعار المختلفة للشنط بحيث تنقي اللي يعجبك.

وهتلاقي كمان في أول صورة إنه منزل الشنط الهاندباج الصغيرة اللي بشراشيب واللي غالب عليها الطابع البدوي في نقشتها والشنطة ديه سعرها 80 جنيه وده طبعًا سعر مناسب بالنسبة لشكلها المختلف الحلو. عنوان المحل:  26 يوليو جمب صيدلية دلمار.

قد يعجبك أيضا:  في الفلانتين.. هاتلها شنطة هاند ميد بسعر على قد الإيد Apple 

بما إن الصيف جاي وأكيد هتسافري وهتحتاجي لشنطة هاندباج كبيرة فهتلاقي في محل Apple تشكيلة شنط هاندباج ألوانها شيك جدًا وأسعارها من 150 جنيه لي 245. عنوان المحل: 24 شارع قصر النيل.

⇓نرشح لك⇓