«أنا مباحث».. ازاي تطفشي رقم بيعاكس؟
بس إحنا مش هنقولك إنك تحطيه في البلاك ليست أو تنزلي تطبيق يمنع المعاكسات لأ الحاجات دي خلاص معروفة لكن اللي هنقوله طرق مختلفة لو مشيتي عليها وطبقتيها صح هتشكرينا ☺
خايف ترد على التليفون؟.. اعرف السبب والعلاج من هنا
الطرق
ورقة وقلم وإكتبي يا ست الكل ☺
كنسلة أوفر دوس
كل لما يكلمك كنسلي ومتزهقيش خالص خليكي حالفة إنك تنرفزيه وتعفرتيه زي ما بينرفزك بمكالمته ليكي كل فيمتو ثانية ☺
تخسير رصيد
الطريقة اللي فوق مجبش نتيجة يبقى إدخلي على الطريقة دي أول ما يتكلم إفتحي المكالمة وسيبيه يتكلم مع نفسه ولو قفل وإتصل تاني إعملي ده تاني.
5 وسائل تساعدك على التخلص من الفوبيا
تهزيق
منفعتش الطريقة اللي فاتت استخدمي طريقة التهزيق. امسكيه نفضيه في التليفون اعتبري كل الشخصيات اللي مضايقاكي في حياتك متمثلة في الشخص ده ومرمتي بكرامته الأرض.
مباحث أمن الدولة
طريقة من الطرق اللي ممكن تخليه يهرب من البلد :D، لما يكلمك خلي أخوكي أو زميل ليكي يرد عليه ويقولوا أنا ظابط في مباحث أمن الدولة ولو مبطلتش معاكسة هجيبك والله هجيبك J
تشريد
لو مهربش ولسة مصمم إنوا يكلمك. يبقى قدامك إنك تحطي رقمه على الصفحة عندك على الفيس بوك أو تويتر وقولي إن الرقم ده بيعاكسك وقرفك في عيشتك ويا جماعة قوموا بالواجب معاه.
«ميزوفونيا».. تعرف على الحساسية المفرطة للأصوات
