العيد فرحة يا سلام وأجمل فرحة يا سلام :D . العيد خلاص قرب ولو عايز تتفسح وتغير جو برا القاهرة في الموضوع ده هنقولك على رحلات تطلعها وكل سنة وإنت طيب :)
فريق SoHo Tours - سوهو تورز منظم تاني يوم العيد رحلة لراس شيطان لمدة 3 أيام تبدأ من 7 يوليو هتقضيها وسط البحر والنجوم والجبال.
هتزور في الرحلة مجرة درب التبانة و أفضل شعب مرجانية في مصر وهتزور قلعه صلاح الدين وخليج فيورد وهتعمل سنوركلنج ودايفج وسفاري بالبتش باجي وهتعيش أحلي جو بدوي حفلات و شوي على النار.
تفاصيل الرحلة
السعر
480 جنيه للفرد
سعر الأطفال فوق ال 10 سنين 480 جنيه
وأقل من 10 سنين ب 240 جنيه. والرحلة هتكون عبارة عن 3 أيام بليلتين شاملة الإفطار و العشا والإنتقالات بأتوبيسات مكيفة و حديثة رايح جاي.
التحرك
يوم الخميس الساعه 10 باليل والتجمع في ميدان عبد المنعم رياض قدام جوباص. وبعد كدة هتوصل طابا مع شروق الشمس وبعد كدا هتروح خليج فروريد و تاخد صور هناك و تستريح شوية وبعد كدا هتروح علي كامب من أفضل كامبات راس شيطان .
أول يوم
هنوصل الكامب والتسكين في غرف الكامب هيكون الساعة 12 وكل الغرف هتكون قدام البحر وهيكون في بنانا بوت وألعاب مائية كتير و تجهيزات السنوركلنج وديه اختيارية.
الشاطيء هيكون رملي و بعد 5 متر من الشاطيء في شعب مرجانية وبعد كدا وجبه العشاء وهتكون اوبن بوفيه.بليل بقى هيكون في Ariban night DJ party و color Festival.
تاني يوم
فطار بدوي عيش و جبنة و مربى و بيض و فول وبعد كدة هتجهز عشان تتحرك في رحلة يخت و تعمل سنوركلج و تشوف الشعب المرجانية و هتتغدى علي يخت كمان وده اختياري وهترجع الكامب على العشا وهيبقى فيه حفلة شوي وحفله بدوية وهتشرب الشاي البدوي وهيبقى فيه دي جي طول اليوم.
تالت يوم
هتصحى 5 الفجر تعمل رحلة بيتش باجي وديه اختياري وهترجع الكامب تفطر وبعد كدا هيكون معاك وقت لو حابب تنزل البحر وهتجهز الشنطة وترجع بالسلامة.
للحجز و الاستفسار
01288094554
01119659937
دهب وشرم الشيخ
مبادرة بلدنا احلى بينا عاملة رحلة لشرم ودهب ب150 جنيه بس من يوم 7 ليوم 9 يوليو وهتتفسح وتشوف خليج نعمة والبلوهول و سوهو سكوير.
سعر الرحلة شامل
- انتقالات الذهاب و العودة (القاهرة – شرم )
-الانتقالات بأتوبيسات حديثة مكيفة.
-مصور محترف بكاميرا تصوير بروفيشينال.
-رسوم دخول الشاطيء
لا تشمل
-ايجار أدوات السنوركلينج
(ماسك وتيوب للتنفس ورؤية الاسماء الملونة والشعاب المرجانية) ب15 جنيه
-لايف جاكت لمن لا يجيد السباحة ب20 جنيه
-هيكون فيه وجبات في الكافيتريا البدوية في البلو هول أسعارها في حدود 35 جنيه للي حابب.
سفارى البيتش باجى
- فردى بــ 120جنيه
- زوجي بــ 150 جنيه
التجمع الساعة 9 مساءًا فى العباسية قدام برج مصر للسياحة يوم الخميس 7 يوليو و التحرك الساعة 10 مساءًا ووصول دهب هيكون الساعة 7 صباحًا هتقضي اليوم في دهب في البلوهول بنعمل سنوركلينج مع السمك الملون.
والشعب المرجانية وبعد كده هتروح ممشى دهب السياحي بعدين هتتحرك لشرم الشيخ عشان تعمل جولة في خليج نعمة وبعدين هتروح سوهو سكوير وتشوف النافورة الراقصة .
وصول القاهرة يوم السبت 9 يوليو الساعه 8 صباحًا. الحجز بأولولية الدفع والأماكن محدودة. يغلق باب الحجز عند اكتمال العدد.
- لو عاوز تسأل عن أي حاجة تانية اتصل على 01111649755
والدفع عن طريق خاصية فودافون كاش
01024422955
واتس اب
01111649755
رحلة رصد نجوم الصيف- الصحراء البيضاء
فريق
شفشاون - Chefchaoun بالتعاون مع الجمعية المصرية لعلوم الفلك، منظم رحلة للصحراء البيضاء من يوم 7 و8 يوليو، اللي بتعتبر أحد أجمل المحميات الطبيعية في مصر وموجودة في الصحراء الغربية بمحافظة الوادي الجديد شمال مدينة الفرافرة على بعد حوالي 500 كم جنوب غرب القاهرة.
برنامج الرحلة
السعر 600 جنيه وللأطفال أقل من 10 سنوات 400 جنيه ولغير المصريين 700 جنيه.
اليوم الأول 7 يوليو
التجمع الساعه 7:00 صباحًا عند مجلس الدولة في الدقي، التحرك الساعة 7:30 تمامًا.
استراحة في وسط الطريق 15 دقيقة.
الوصول الساعة 12:00 وتوزيع على سيارات 4*4.
وبعد كدة هيكون فيه غدا خفيف مختلف عن غدا القاهرة عشان نتحرك في المزارات من غير تعب.
و الغداء هيكون في قعدة عربي عبارة عن تونة وجبنة وشكشوكة وسلطة وشيبسي وعيش وشاي عربي.
وبعد كدة التحرك للصحراء السوداء قرية الحيز لرؤية العيون الكبريتية، جبل الكريستال،منطقة العقبات اللي فيها الكثبان الرملية الذهبية والصخور الشاهقة للتصوير بها، التحرك لزيارة المشروم ، وادي الخيام ، الحوت المتحجر. بعد كدة هتطلع على الكامب وتصور الغروب.
تجهيز الكامب
- قعدة سمر حول النار وشاي عربي بالليل.
- العشاء وهو الوجبة الرئيسية في الصحراء هيكون بوفيه مفتوح عبارة عن فراخ مشوية ورز وخضار وسلطة.
البرنامج الفلكي المتميز
في قلب الصحرا هتتعلم قراءة سماء الصيف عشان تتعرف على أشهر المجموعات النجمية الموجودة زي الجوزاء والسرطان والعذراء.
وللمصورين
هات معاك كاميرا احترافية DSLR .. عشان تدخل عالم التصوير الفلكي ا وتصور صور متميز’
اليوم التاني 8 يوليو
فطار صحراوي فول وبيض ومربى وعسل وجبنة مع الشاي والنسكافيه
- الاستمتاع بالتزحلق على الرمال، Sand boarding
- نزول المياه الكبريتية (مفيدة للبشرة والروماتويد)
- سوق الواحات لشراء تمر واعشاب
العودة للقاهره علي الساعة 9:00 بليل
هات معاك
- البطاقة الشخصية
- حذاء مناسب للجبل
- كاب عشان الشمس
- مايوة للمياه الكبريتية
- كشاف أو Head light
- الكاميرا الديجتال علشان التصوير + الحامل
- جاكيت لليل .. الجو بارد ليلاً
- شنطه هدوم خفيفة بس .
ملاحظات مهمة
-الاقامة هتكون في مخيم
-متوفر بالمخيم حمام صحراوي
-متوفر للطورئ هاتف يعمل على الاقمار الصناعية لتغطية المناطق النائية (علماً بأن شبكة موبينيل تغطي معظم المناطق هناك)
الفريق بيقولك ملحوظة مهمة إن في حالة وجود سحب منخفضة وتعذر رؤية النجوم بشكل واضح ، سيتم الغاء الرحلة وتسترد القيمة المدفوعة بالكامل، وسيتم التأكيد قبلها بيومين.
الحجز عن طريق ملئ الاستمارة التالية وتأكيد الحجز عن طريق الدفع والحصول على التذكرة من شفشاون .. العدد محدود فلازم تروح وتشتري التذكرة عشان تأكد الحجز.
http://goo.gl/forms/65fCHLqAPJ
أخر ميعاد عشان ترجع التذاكر وتاخد الفوس كاملة يوم 3 يوليو 2016 ، وغير متاح استرجاع التذاكر بعدها.
العنوان
شفشاون "مساحة عمل مشتركة " - 11 شارع هارون - امام مدرسة الحرية - المساحة - الدقي.
تليفون
01064114225
مواعيد العمل يوميًا من 10 صباحًا ل 12 مساءًا.
التذاكر متاحة دلوقتي في شفشاون
العدد محدود
الغردقة
فريق S.M.A من الAUC منظملك رحلة للغردقة من يوم 7 يوليو ليوم 9 يوليو والتجمع هيكون في ميدان عبد المنعم رياض يوم 7 يوليو الساعة 10:00 بليل بعد كدة هتتحرك بباصات حديثة مكيفة على الساعة 11:00.
برنامج الرحلة
الصباحي
-هتوصل الغردقة على الساعة 7 الصبح.
- وبعدين بقا هتركب اليخت وتطلع جزيرة الجيفتون اللى الشاطئ بتاعها رملته لونها ابيض وماية بحرها صافية. وبعدين هتعمل سنوركلينج فى وسط الماية.
-وانت في طريقك لمكان السنوركلينج هيكون طاقم المركب بيجهز وجبة الغدا اللى هناكلها على الصن دك فى المركب وليك مشروب كمان. وطاقم المركب هيساعدك عشان لو انت مبتعرفش تعوم ممكن تاخد اللايف جاكت.
-هيكون فيه مصور محترف.
-هنعمل وقفتين سنوركلينج فى مكانين مختلفين فى الماية.المسائي
-هتروح على مارينا الغردقة وتنزل على الممشى السياحي هناك والكافيهات والمطاعم والحفلات.
- لو مش عاوز تقضي بقيت يومك ف الممشى السياحي وعايز تعمل رحلة سفارى ممكن تعمل اللي إنت عايزه بس هيكون برا حساب التيكيت.
بالنسبة لرحلة السفارى هتبقى عبارة عن:
- ركوب البيتش باجى الخاص بيك بتاع مسافة 12 كيلو متر رايح جاي .
-هتركب الجمل وتشرب الشاي البدوي فى الخيمة البدوية وهتتعرف على الحياه البدوية وتفاصيلها .
-هتتعشى عشا بدوي فى الخيمة .
رحلة السفارى دى التيكت بتاعها ب 180 جنيه وبس هتتجمع بقى مع الفريق الساعة 10 بليل وتتحرك 11 بليل للقاهرة .
سعر الرحلة
230 جنيه
و رحلة السفاري خارج سعر التيكت هتبقى ب 180 جنيه فقط .الرحلة بقى مدتها 34 ساعة بالانتقالات .وهتبدأ يوم الخميس بليل لحد ما ترجع القاهرة يوم السبت 9 يوليو صباحا.آخر ميعاد للحجز يوم السبت الموافق 2/7/2016 أو عند اكتمال العدد المطلوبز .
الباصات حديثة ومكيفة بشاشات عرض ونظام استريو كـامل.
للاستفسار اتصل على 01100366296 أحمد محمد.
شرم الشيخ بمميزات مختلفة
فريق Royal Tours منظم رحلة لشرم الشيخ في العيد 3 ليالي 4 أيام في فندق اورينتال ريفولي 4 نجوم هتبدأ من يوم 7 يوليو.فندق اورينتال ريفولى 4 نجوم فى خليج نعمة نصف اقامة فطار وعشا اوبن بوفيه وانتفالات بباصات سياحية مكيفة وهتستمتع ب 4 رحلات مجانية زيارة السوهوسكوير وخليج نعمة والسوق القديم ومدينة دهب والبلوهول.
سعر الرحلة
850 جنيها
إختياري
عندك برامج إختيارية ممكن تحجزها زي رحله اليخت لجزيره تيران وسفاري وجلاس بوت وبنانا بوت والغواصة بأسعار مميزة.
سياسة الاطفال
- الاطفال حتى 6 سنوات مجانًا بدون كرسي فى الباص
- الاطفال من سن 6 سنوات حتى 12 سنه 60% من سعر الفرد شامل كرسى في الباص لاضافه كرسي في الباص 175 جنيه.
طرق الدفع
- عن طريق حوالة بريدية مع دفع رسوم التحويل
- فودافون كاش مع دفع رسوم التحويل
- او الحق و اتصل على الأرقام ديه واحجز من دلوقت وادفع نص تمن التذكرة قبل ما عدد الرحلة يكمل
01143919663
01113534600
01027170976
