رئيس التحرير: أحمد متولي

غير العيدية.. هدايا مختلفة لحبيبتك في العيد

غير العيدية.. هدايا مختلفة لحبيبتك في العيد

لو بتفكر في العيد ده إنك بدل لما تدي حبيبتك فلوس تديها هدية بس مش عارف هتجبلها إيه. هنقولك على أفكار لهدايا مختلفة تجيبها ليها وكل سنة وحياتكوا كلها عيد في عيد :) 

شيكولاتة و ورد

موقع www.hapilin.com عامل فكرة حلوة وهو إنك بتتصل بيهم على الرقم ده 01000910004 وبيجهزلوك علبة فيها شيكولاتات بأشكال شيك ومختلفة وكمان بجانب علب الشيكولاتات عندهم أشكال لبوكيهات ورد جميلة :)

وممكن بدل لما تديها الهدية بنفسك تقولهم إذا كان فيه إمكانية يبعتوها ديليفري على عنوان بيتها مفاجأة. وأسعار العلب والبوكيهات في متناول الميزانية اللي إنت عايزها للهدية. Chocolate Romance (CH-171)

150 جنيه Hapilin Flower Bouquet (FB-209)

220جنيه Chocolate Romance (CH-163)

200جنيه

Chocolate Romance CH-162

175 جنيه

بورتريه

ممكن كمان ترسم صورتها لوحدها على بورتريه أو صورتك إنت وهى وهتبقى تذكار حلو ليكوا مع بعض .وفي صفحة للرسام محمد أسامة سعر البورتريه فيها للشخص الواحد بيبدأ من 170 جنيه أما الشخصين فبتبدأ من 220 جنيه.والبورتريهات بتكون أحجام مختلفة.

خروجة مجنونة 

ممكن تخرجها خروجة حلوة ومجنونة تخرج فيها كل طاقتها زي إنك تروح مكان اسمه GMAX Reverse Bungy وده عبارة عن كورة بتركب فيها وبترفعك لحد 50 متر فوق الأرض وتلاقي نفسك بتلف 360 درجة. maxresdefault-1

العنوان في مول العرب أمام بوابة 20. المواعيد كل يوم من الساعة 11 صباحًا حتى 11مساءً، ماعدا الجمعة من 12 ظهرا حتى 12 صباحا. السعر 150 جنيها للفرد في حالة ركوب 3 أفراد. 200 جنيه للفرد في حالة ركوب فردين فقط. والتليفون للإستفسار 01143411587
وفيه خروجات تانية تقدر تخنار منها اللي تحبه من هنا. طقم فضة 

خان الخليلي مليان بمحلات الفضا وفي محل محمد السقا هتلاقي أطقم فضة بتتكون من خاتم وحلق ودلاية بسعر يبدأ من 200 جنيه على حسب الوزن والحجم.

ده غير إنك لو عايز تكون طقم هتلاقي أسعار في متناول إيدك. وبرضه خد جولة سريعة في الموضوع ده واتفرج على الأشكال والأسعار. طقم فضة حاجة نفسها فيها 

أما بقى لو فيه حاجة كانت نفسها تجيبها فهاتها ليها حتى لو بالنسبة ليك شايفها ملهاش لازمة لأن في نظرها هى ليها لازمة  وهتفرح  لما هتلاقيك جايبها يعني مثلًا لو بتحب شخصيات كارتون شركة المرعبين المحدودة هتلها الشخصيات دول وياسلام لو  كتبت أشهر الجمل اللي بيقولها الشخصيات دول وحطيتها في بوكس صغير .

رغدة جلال الدين

رغدة جلال الدين

صحفية مصرية تكتب في المجال الفني، إلى جانب كونها ممثلة ومغنية بفرقة «بهججة»

ميكس ميديا