رئيس التحرير أحمد متولي
 مراتك بتتجرأ عليك؟.. حل مشكلتك عندنا

مراتك بتتجرأ عليك؟.. حل مشكلتك عندنا

علاقة الزوج بالزوجة من المفترض إنها تكون سوية لكن كون بعض الزوجات تتجرأ على أزواجها سواء بالقول أو الفعل. هنا بقى بيبدأ يحصل خلل في العلاقة دي.

هنتكلم في الموضوع ده عن الدوافع اللي تخلي الزوجة تتجرأ على زوجها، وإيه الحلوا اللي ضروري على الزوج اتباعها عشان ينهي الأزمة دي. 

للبنات.. هم الولاد بيهربوا من الجواز ليه؟

الراجل والست

في البداية بتشوف استشاري العلاقات الأسرية أسماء مراد، إنه من العيب على الراجل السماح لمراته انها تتجرأ عليه، زكمان دي حاجه مش كويسة من الست.

وفيه مجموعة أسباب ورا الموضوع ده، منها:  عدم التكافؤ بين الشخصين 

أسماء مراد بتقول إن عدم التكافؤ بين الشخصين من الأسباب اللي بتخلي الزوجة تتجرأ على زوجها. بمعنى إن هى تكون شخصية قوية وهو من النوع اللي شخصيته خاضعة ضعيفة.

فبالتالي هيبقى سهل إنها تتجرأ عليه بالكلام أو الفعل لأنها شايفة قدامها واحد خاضع ساكت فبالتالي ده بيعصبها وبيخليها تتجرأ عليه بأسلوب غير مهذب.

لكن لو كانت شخصيته قوية هيعرف إزاي يتعامل معاها ويحسسها بالخطأ اللي عملته بس بأسلوب غير عنيف يعني ممكن يسيبها فترة ويحسسها بالذنب إن الأسلوب اللي بتتعامل بيه غلط وهيلاقيها بتتراجع عن ده.

للبنات.. الأسرار دي هتطول من عمر علاقتك العاطفية

أخبارها عند مامته أول بأول

من الأسباب برضه اللي يخليها تتجرأ عليه إنه ينقل كل حاجة بتعملها لمامته ويعرفها أخبارها أول بأول وطبعًا ديه حاجة هتعصبها عليه لأنها بتكون عايزة خصوصية في حياتها.

علاقات سابقة 

ومن الأسباب كمان إنه يقولها أنا كنت على علاقة سابقة بحد وده بغرض استفزاز نار غيرتها وطبعًا دي من الحاجات اللي هتعصبها عليه برضه.

الخرس الزوجي 

إن الراجل يكون بارد وساكت ومفيش حوار ما بينهم غير لو هى فتحت الكلام معاه ده من الحاجات اللي بتثير عصبيتها تجاهه.

 السفر والغياب 

سفر وغياب الزوج عن البيت من الأسباب برضه اللي يخليها تتعصب عليه بأسلوب حاد لأنه بعيد عنها ومش بتشوفوا  دايمًا.

دليلك «للخروج الآمن» من خلافات العلاقة العاطفية

الدكتور النفسي جمال فرويز شايف إن أسباب تجرأ الزوجة على زوجها طبقًا للحالات اللي كانت بتيجي ليه بترجع «لعجز الزوج جنسيًا»، «تعاطيه المخدرات»، «مش قادر يصرف على البيت»، «إنه يكون مهزوز الشخصية»، أو إنه «بيحب زوجته ومش بيعرف يقول ليها لأ».

ولما سألنا فرويز هل ده برضه مبرر يخلي الزوجة تتجرأ على زوجها؟ قالنا إنه هو السبب في إنه سابها تتعامل في كل تفاصيل البيت وحلت محله وبقت هى راجل البيت وهو مجرد منظر.

الحل 

بتقول استشاري العلاقات الأسرية أسماء مراد، إن ما دام إنتوا بتحبوا بعض عليك إنك تحتويها وتعدل سلوكها بإنك تحسسها إن اللي عملته ده غلط يعني تعاقبها عقاب نفسي يحسسها بكدة زي إنك تهجرها وتسيبها فترة عشان تحس إنه مكنش يصح تتجرأ عليك.

أما بالنسبة ليكي فلازم يكون عندك حسن ظن بزوجك وإنه مش قاصده يضايقك وعليكي إنك تحترميه وتعرفي إن مينفعش زوجة تهين زوجها.

والدكتور جمال فرويز بيقول إن عشان الموضوع يتحل لازم تعالج السبب اللي خلاها تتجرأ عليك يعني تعالج نفسك جنسيًا وتتعالج من الإدمان وهتلاقي إنها مبقتش تتعامل معاك بجرأة زي الأول وبتحاول تساعدك إنك تتخطى المحنة ديه.

للبنات..«متسمعيش كلام أمينة وشادية» في العلاقات العاطفية

رغدة جلال الدين

رغدة جلال الدين

صحفية مصرية تكتب في المجال الفني، إلى جانب كونها ممثلة ومغنية بفرقة «بهججة»