هذه أشهر بصمات محمد كامل الفنية.. الدور الأصعب أمام ليلى علوي
غيب الموت صباح الثلاثاء 26 يوليو، الفنان محمد كامل، اللي قدم لينا على مدار تاريخه مجموعة من الأعمال السينمائية والتليفزيونية المتميزة وده لأنه نجم ليه نكهة تمثيلية مختلفة.
في الموضوع ده هنرصد ليكو أشهر أعمال «كامل» وأدواره. مرسي
من أشهر أدوار الفنان محمد كامل، دور «مرسي» في مسلسل «عباس الأبيض فى اليوم الأسود»، اللي كان صاحب عباس الروح بالروح، وكان بيتميز بالحس الكوميدي في طريقة كلامه وفي مواقفه، وكان بيحصل بينه وبين عباس مشادات طريفة ولما بيزعل عباس منه بيرجع يصالحه من تاني كانوا عاملين كدة زي توم وجيري :) . والمسلسل من بطولة يحيى الفخراني وماجدة زكي وعزت أبو عوف. https://youtu.be/wq0cx79xMhU?t=161 سيد الملا
«سيد الملا» في مسلسل «الليل وأخره» كان طالع صاحب رحيم المنشاوي، وكان والد رحيم دايمًا بيحذره يبعد عنه لأنه شايف إنه بيبعده عن بيته وشغله.
و«الملا» كان ليه دور في إنه يعرفه على حسنات المغنية اللي عاش معاها قصة حب جميلة.. المسلسل من بطولة يحيى الفخراني ونرمين الفقي وهدى سلطان. الإعلامي فؤاد صالح
أما بقى في فيلم «جاءنا البيان التالي»، فكان محمد كامل طالع بدور الإعلامي فؤاد صالح، اللي كانت ماشيه معاه مقولة «من برا هلا هلا ومن جوا يعلم الله»، لإن «فؤاد» كان من برا اعلامي يبان للناس إنه شخص كويس لكن من جوا واحد لا يمت صلة بالإعلام، وبيعمل أفعال مشينة وتميز كامل في تجسيده للنموذج الإعلامي ده اللي موجود منه كتير في مجتمعنا. والفيلم كان من بطولة محمد هنيدي وحنان ترك. https://youtu.be/wtLk1kRsjWg?t=2143
فرج أبو سنةوفي مسلسل «أرابيسك» كان طالع بدور فرج أبو سنة صاحب قهوة بيقف قصاد أي حد يفكر يجي ناحيتها.. والمسلسل من بطولة صلاح السعدني وهالة صدقي. https://youtu.be/1g3lkrUykc8?t=1066 زكريا أحمد
وفي مسلسل «أم كلثوم» جسد محمد كامل شخصية الملحن الراحل زكريا أحمد، أحد عمالقة الموسيقى العربية، وتميز بتقمسه للشخصية.
ومسلسل أم كلثوم كان بيجسد السيرة الذاتية لكوكب الشرق اللي قامت بتجسيد دورها صابرين. https://youtu.be/ncUzN51LFdg?t=1801 شوقى حسن أبوحلاوة
«أبو حلاوة» كان من ضمن مجموعة المغتصبين في فيلم «المغتصبون» اللي قاموا بإغتصاب ليلى علوي والدور ده كان بيقول عنه محمد كامل إنه من أصعب الأدوار اللي قدمها في حياته. حوار اسعاد يونس مع النجم الراحل محمد كامل
