اتهام شركة سامسونج بالنصب وتسريب بيانات العملاء

اتهمت إحدى العملاء شركة سامسونج بالنصب عليها وتسريب بياناتها إلى شخص احتال عليها في مبلغ مالي في واقعة غريبة أثارت دهشة المتابعين والكثير من التساؤلات والمطالبات بإيجاد تفسير ورد حاسم من الشركة على هذا الادعاء.

نصب شركة سامسونج

وكتبت سيدة تدعى إيلاف محمد، من مصر، منشورًا عبر صفحتها الشخصية على موقع التواصل الاجتماعي فيس بوك، اتهمت فيه شركة سامسونج بالنصب عليها بعد أن أرسلت إليها فني صيانة لمعاينة شاشة تليفزيونية، ثم الاستيلاء على الشاشة والمبلغ المالي نظير إصلاحها وفر هاربًا دون العثور عليه.

وكتبت إيلاف محمد المنشور ومعه إشار إلى شركة سامسونج كتبت فيه: «هو ينفع يتنصب عليا من شركة كبيرة زي دي؟! اللي حصل معايا كالآتي : يوم الخميس 6 يوليو اتصلت بخدمة عملاء شركة سامسونج على رقم 16580 وبلغتهم إن عندي شاشة 59 بوصة فصلت صورة وشغالة صوت فقط ومحتاجة اعرف فيها إيه».

اتهام شركة سامسونج بالنصب

وأضافت: «الموظف قال لي هنبعت لحضرتك فني يشوف فيها إيه وهيكون ثمن الزيارة 250 جنيه والفني هيبلغ حضرتك بثمن تكلفة الصيانة، قلت له تمام يا فندم مفيش مشكلة، في انتظار الفني».

وتابعت: «تاني يوم أصبح يرن عليا رقم، مين حضرتك؟ قال لي: انا فني شاشات من شركة سامسونج جاي لحضرتك بخصوص الشاشة اللي فصلت صورة قلت له تمام، ولاقيته بيقول لي البيانات اللي قولتها للموظف في خدمة العملاء، يعني اسمي وعنواني ومواصفات الشاشة والعطل وكدا، وطبعًا رقمي اللي بيكلمني عليه،

المهم في نهاية المكالمه قال لي في خلال ساعة ونصف هنكون عند حضرتك، وفعلاً بعد ساعه ونص لقيته بيكلمني وقرب من البيت عندي».

تسريب بيانات العملاء

وأردفت قائلة: «وصل طبعًا ودخل نزل الشاشة وفحصها وقال لي أنها محتاجة كارتة وهتتكلف 2200 جنيه، قلت له مفيش مشكلة، نعملها، قال لي تمام، دي هنحتاج ناخدها الشركة قلت له مفيش مشكلة، وأخد الشاشة والفلوس ومشي ، بعدها بشويه اتصلت بالشركة تاني عشان اسألهم الشاشة هتاخد وقت قد إيه في الصيانة وكان الرد صادم ..احنا مبعتناش حد يا فندم».

واختتم عميلة شركة سامسونج اتهامها للشركة بالنصب بقولها: «قلت له ازاي؟ أومال اللي جه لي وعارف بياناتي ورقمي وعنواني والعطل اللي في الشاشة ده مين؟ قال لي طيب في خلال ساعات هيتواصل معاكِ قسم الشكاوى عشان يشوف مشكلتك، ولحد الآن محدش كلمني، كده طبعًا بياناتي اتسربت من الشركة لشخص نصاب أو الفني نفسه هو اللي نصاب، وطبعًا كل ده متصور لأن عندي كاميرات في البيت

وطبعًا المكالمات كلها مُسجلة بالشركة، ومكالمتي وانا بديهم البيانات، المفروض اننا بنتعامل مع شركة لها حجمها عشان نكون في الأمان مش عشان نتعرض للنصب والسرقة علني كده».

وجاءت التعليقات على المنشورة بعضها مؤيد لاتهامات تسريب بيانات العملاء والبعض الآخر يطالب بالتأكد من الشركة، وننشر لكم صورًا منها: