دخلت كلية الطب البيطري.. الزتونة هنا

كلية الطب بيطري، زيها زى كليات كتير مهدور حقها على الرغم أن دراستها  العالم كله بيقدرها، لأن القدرة على أن تعالج حيوان مبيعرفش يعبر عن الألم اللي جواه ده شيء سامى جدا.

فلو جاتلك كلية الطب البيطرى أولا أحب أقولك مبروك يا دكتور.

ثانيا أنت مش حببها أو مكسوف تقول للناس عشان التريقة اللي ممكن تاخدها حط الكلام ده كله على جنب وأفتخر أنك في يوم من الأيام هتكون السبب أن تعالج روح حيوان بريء مبيعرفش يتكلم.

في التقرير ده هقولك على شوية معلومات لازم تعرفها عن الكلية علي هيئة سؤال وجواب.

الكلية كام سنة؟

بص يا سيدى الكلية كانت 5 سنين بس دلوقتي بقت 6 سنين عشان زودوا سنة إسمها تشخيص ودى هنتكلم عليها بالتفصيل

طيب إيه الجامعات الموجودة فيها؟

كلية الطب البيطري موجودة في جامعات زي «القاهرة-أسوان-السادات-الزقازيق-أسكندرية-بنها-كفرالشيخ-بني سويف-قنا».

إيه المواد اللي هدرسها؟

بص في أول تيرم ليك  هتدرس «هيستولوجيا الحيوان والأجنة - االهندسة الوراثية -كيمياء حيوي-لغة إنجليزية- مصطلحات طبية- إرشاد بيطري».

في الترم التانى هتدرس « هيستولوجيا (الدواجن والأسماك)- وكيمياء التغذية-الفيزياء الحيوية- إقتصاد -إدارة مزارع-الحاسب الآلي».

إيه هي أقسام الكلية؟

في الكلية في 8 أقسام

طيب إيه هى مجالات الشغل؟

مجال الرعاية الصحية للحيوان

1- مجال الرعاية الصحية والبيطرية للحيوان بالعيادات البيطرية.

2-الصيدليات البيطرية.

3-شركات ومراكز بيع الأدوية كمندوب.

4-المعامل البيطرية الكيميائيه والبيولوجيا والباثولوجيا.

5-مجال تربية الخيول ومراكز الهجن ونوادى الفروسية.

مجال الإنتاج الحيواني والداجني والسمكي

1- إنتاج وتربية الدواجن وإنتاج البيض.

2-مزارع التسمين كالأبقار والجمال.

3-مزارع الإنتاج المكثف للحليب.

4-مزارع إنتاج وتربية الأسماك.

5-مزارع تربية وإكثار النعام.

6-مجال الرعاية التناسلية ونقل الأجنة.

 مجال المراقبة الصحية على الأغذية

1-الكشف على اللحوم في مسالخ الحيوان والدواجن.

2-في المستشفيات البشرية للمراقبة على الأطعمة والمأكولات.

3-في الفنادق الكبرى لمراقبة الأطعمة والمأكولات.

4-في صحة البيئة بالقرى والمدن.

 مجال حماية البلاد من الأمراض الوافدة ومكافحه الأوبئة

1-الحجر البيطري في المطارات والموانئ والحدود والمنافذ.

2-إدارة مكافحة وتقصى الأوبئة.

3-فحص الحيوانات المستوردة الحية والمذبوحة والأسماك والألبان.

مجال صناعات الغذائية

1-مصانع وشركات إنتاج اللحوم.

2-مصانع الألبان ومنتجاتها.

مجال صناعات الأدوية ومجال الأعلاف

1-مصانع إنتاج الدواء البشري والبيطري.

2-مجال الدعايا والتسويق للدواء البشري والبيطري.

3-مجال تصنيع الأمصال واللقاحات.

4-مجال تقنيات الجوده بالمصانع والشركات.

5-مصانع تجهيز وإنتاج الأعلاف.

إدارات الأحوال المدنية والقضاء والقوات المسلحة

1-قسم الطب الشرعي والأدلة الجنائية لكتابة التقارير الجنائية عن الجرائم.

2-مشاريع الأمن الغذائي في القوات المسلحة.

3- هيئه الشرطة لرعاية الخيول وكلاب الأمن والحراسة.