مش كل شوية تدي سوكسيه.. 8 قواعد لحضور عرض المسرح

المسرح بيختلف عن السينما لأن التواصل فيه بيكون مباشر مع الجمهور وده بيحتم عليك إنك وإنت بتتفرج على المسرحية تتعامل بهدوء وحذر. عشان كدة في الموضوع ده هنقولك على 8 قواعد لحضور عرض مسرحي.

الموبايل Silent

المخرج المسرحي محمد جبر، مخرج عرض البروفة و1980 وإنت طالع، بيقول إن «لازم الموبايل بتاعك يكون صامت عشان ميرنش في نص العرض ما هو شغال ويقطع تركيز الناس اللي حواليك. ولو فيه مكالمة مهمة لازم ترد عليها يبقى اخرج في هدوء من المسرح واطلع اتكلم برا.

وبلاش كمان تطلع الموبايل تبص فيه على حاجة عشان إضاءة الموبايل لو جات في وش حد من الجمهور هتخرجه من مود المسرحية. الهدوء لازمًا وحتمًا ولابد

بلاش والعرض شغال تقوم مميل على صاحبك وقايل ليه حاجة مضحكة وتروحوا انتوا الإتنين فطسانين على روحكوا من الضحك. وصوتكوا يجلجل وسط الصالة اللي كلها قاعدة ساكتة بتتفرج.

وده لأن الكلام والضحك ممكن يضايق الممثلين ويفصل تركيز بعضهم وكمان هيضايق الجمهور اللي دخل خلاص في حالة المسرحية ومش عايز حاجة تزعجه.

من ضمن التعليمات اللي بتكون موجودة على باب بعض المسارح، عشان الطفل ممكن يعمل أي حركة تلقائية تعمل مشكلة في المكان.

وعشان كدة لو حاسة إن الطفل اللي عايزه تاخديه معاكي سواء كان ابنك، قريبك، أخوكي هيقعد يصوت ويجري منك وسط العرض ماهو شغال وممكن ينط على خشبة المسرح كمان :D. يبقى بلاش تاخديه معاكي عشان ميسببش ليكي إحراج قدام الممثلين والجمهور.

وحكى المخرج محمد جبر موقف: «إن في مرة أب كان جايب ابنه مسرحية وعمل دوشة جوا المسرح ولما اتكلموا معاه إنه يخرج ابنه برا يشوفوا ماله رفض وبيكمل وبيقول إن مفروض لما ابنك يعمل دوشة تخرجه برا المسرح على طول وتشوف ماله عشان ميأثرش على تركيز الممثلين».

متحرقش أحداث المسرحية

لو إنت كنت شوفت المسرحية وعايز تودي صاحبك ليها وقولت تروح تشوفها معاه تاني بلاش وانتوا رايحين ليها تحرق أحداثها كلها وخليه في حالة شغف إنه يشوفها لأن لو إنت قولتلوا على كل اللي هيحصل هيقعد في الصالة يعد لمضها :D من كتر إحساسه بالملل ومش هيكون مندمج مع حالة المسرح.

وكمان متعلقش تعليقات تحرق بيها اللي هيحصل في أحداث المسرحية في وسط ما العرض شغال لأن الجمهور جاي يشوف العرض لأول مرة ومتشوق يتابع أحداثها ومش عايز حد يعرفوا اللي هيحصل.

تياترو الإسكندرية.. أكل ومزيكا ومسرح على الطراز العربي

سوكسيه في لغة المسرح يعني إنك تصقف ولما تيجي تصقف في المسرحية استنى لما المشهد يخلص متصقفش كذا تصقيفة جوا المشهد لأنك في الغالب هتلاقي نفسك بتصقف لوحدك :D لأن الجمهور بيكون مستني لحظة انتهاء المشهد وبعدين يعبر بالتصقيفة عن إعجابه بالمشهد.

يلاش تعليقات

الفرجة على فيلم أو مسرحية بتحتاج الواحد يكون مركز من أول دقيقة لآخرها عشان يقدر يفهم حالة العمل وعشان كدة بلاش التعليقات الجانبية على أداء الممثلين اللي من نوعية يلهوي على اللي بيعمله أنا مذبهلة؟. وغيرها من التعليقات اللي ممكن تأثر على تركيز الجمهور. والأفضل طبعًا إنك نقول كل اللي عندك لصاحبك بعد المسرحية إنشالله تقعدوا للفجر بتتكلموا عن عظمة الممثلين :D.

خليك ثابت في كرسيك 

متقعدش تفرك في الكرسي وتتحرك يمين وشمال عشان متشتتش رؤية الحد اللي قاعد وراك لأن ممكن يضايق وتحصل مشكلة ما بينكوا.