المدينة الجامعية فيها ناس ياما.. 5 نصائح للحفاظ على خصوصيتك
الإقامة في المدينة الجامعية تفرض عليك العيش والتعامل مع أشخاص مختلفين، ولكي تبني علاقة ودية مع الجميع وفي نفس الوقت تحافظ على خصوصيتك، خاصة من الزملاء المتطفلين، عليك اتباع النصائح التي يقدمها «شبابيك» في هذا التقرير، من خلال الاستعانة بعدد من الخريجين ممن أقاموا بالمدينة الجامعية.
ضع حدودا من البداية
يجب أن تضع حدودا من البداية للعلاقة بينك وبين زملائك في السكن، هذا ما تنصح به نهى عبد الله، قائلة: «لازم تعرّف زمايلك من الأول إنك مبتحبش حد ياخد حاجة تخصك من غير إذن، حتى زمايلك المقربين، لأن لو سمحت بكده من الأول هتلاقي في ناس بقت تتمادى أكتر، ويفتحوا شنطك أو دولابك ويدورا فيه من غير إذن بردو».
للطلاب المغتربين.. 5 نصائح لحماية نفسك من السرقة
طريقة غير مباشرة
وتقول نور محمد: «لو حد قريب منك أوى مش هتقدر تكسفه وتقوله ماتخدش حاجاتي من غير إذن أو متدخلش في خصوصياتي، لأن ده ممكن يزعله منك، عشان كده الأفضل إنك توصله الرسالة بس بطريقة غير مباشرة، يعني مثلا لو كنت بتتكلم في الموبايل وإنت في الأوضة وهو دخل وقعد وإنت بتتكلم ممكن تخرج إنت وتكمل كلام بره.»
وتستكمل حديثها: «كمان طريقة تعاملك معاه هتخلي يفهم شخصيتك من الأول وهيتعامل على أساسها وبنفس طريقتك، يعني مثلا لو كنت محتاج حاجة منه وقالك خدها من الشنطة بتاعتي، هاتله الشنطة واطلب منه يدهالك بنفسه، وفهمه إنك كده بتحترم خصوصيته».
5 أشياء تعيق التأقلم مع حياتك الجامعية
خير الكلام ما قل ودل
يجب أن تجعل هذه المقولة هى المبدأ الذي تسير عليه إذا حاول بعض زملائك التدخل في أمورك الخاصة، سواء المتعلقة بدراستك أو بمشاكلك الأسرية مثلا.
يؤكد رامي الحمزاوي ذلك بقوله: «خلي كلامك قليل على قد المطلوب، يعني يكون باختصار من غير ما تدخل في تفاصيل، ولو حاجة مش حابب تتكلم فيها ممكن تغير الموضوع أو قوله بعدين هبقى أحكيلك، ومع الوقت كلهم هيفهموا شخصيتك».
في أولى جامعة هتقابل التحديات دي.. وده دليلك للتغلب عليها
اغلق حساباتك
من المؤكد إن حساباتك على مواقع التواصل الإجتماعي تمثل جزء كبير من حياتك الشخصية وخصوصياتك، لذلك تنصح بسمة هشام بضرورة التأكد من تسجيل الخروج من جميع حساباتك على «فيس بوك» أو «الميل» أو غيره، سواء في حالة الدخول من جهازك أو هاتفك الشخصي أو عندما تضطر إلى استخدام أجهزة أحد زملائك.
وأضافت «بسمة» أنه من الممكن أن يطلب منك أحد زملائك في السكن استخدام جهاز «اللاب توب» الخاص بك أو هاتفك، لذلك من الأفضل أن تغلق جميع حساباتك الشخصية كوسيلة للحفاظ على خصوصيتك، خاصة إذا كانت علاقتك به سطحية، وتقترح أيضا تعيين كلمة سر لهاتفك المحمول.
لو تنسيقك وداكي لمحافظة تانية.. متخفيش ودليلك أهو بالتفصيل
لا تخبر أحدا بأسرارك
لا تتسرع في البوح بأسرارك لأحد أصدقائك المقيمين معك في السكن، بإعتباره أصبح من الأشخاص المقربين منك، هذا ما تنصح به أمنية فرغلي.
فقد تكتشف بعد ذلك إنك تسرعت في الحكم عليه، وأنه لم يكن أهلا للثقة، وربما ينسى ويتحدث مع أحد أصدقائه عن ما أخبرته به، الأمر الذي ينتهك خصوصيتك، وفي الوقت نفسه يمكن أن يؤدي إلى توتر العلاقة بينكما.
شاهد:
