نشأت الديهي لحمو بيكا: «انت آخرك تشيل قصعة في الخرسانة» (فيديو)
انتقد الإعلامي نشأت الديهي، الفنان حمو بيكا بعد أن بث فيديو من داخل نقابة المهن الموسيقية، يهاجم فيه الفنان هاني شاكر عقب رسوبه فى اختبارات الحصول على رخصة الغناء.
وقال الديهى، خلال حلقته ببرنامج بالورقة والقلم، المذاع على قناة TEN، مساء الإثنين: «ربنا يسامح اللى في مستشفى 57357 لأنهم سمحوا لهذا الشخص بالدخول للأطفال والتبرع لهم، وهو ميعرفش يعني ايه سرطان ولا ده برج سرطان، ياجماعة فوقوا شوية، جايبين بيكا يعملكم إعلان، عيب نسكت عن هذا الشكل».
وتابع مقدم برنامج بالورقة والقلم: «حمو بيكا مين ده أول مرة انطق الاسم ده، انا والله معرفه راح امبارح يتبرع، طلع من المستشفي راح على نقابة المهن الموسقية علشان يطلع تصريح ويكون مسجل في النقابة»، ولم عرف برسوبه هاجم النقابة قائلا: «الناس دي بتمنعنا ليه المرة الجاية هنزل الشارع وانا مش خايف من الحبس وهكسر في النقابة كل اللى بيسمع مهرجانات المرة الجاية هيكون في شتيمة وقلة أدب المرة الجاية هرجع اعملكم ثورة هنا».
وأكمل مقدم برنامج بالورقة والقلم: «الراجل اللي كان بيعمل أعمال خير وبر وتقوى شوفوا بيقول ايه في نقابة المهن الموسيقية، وفين الجمهور اللي بيسمعه، الناس دول عاملين نفسهم بيغنوا وهما ولا يعرفوا حاجة، ده بلطجي ومبيعرفش يغني، ايه بيقول هنزل الشارع واجيب ناس واكسر النقابة، لازم يتحبس مكانة في السجن ده واحد بلطجي مش همه حد».
وأضاف الديهي، «حمو بيكا ده من إفرزات مرحلة صعبة، هذا الرجل اللي بيهدد مكانه في السجن ويكون عبرة للآخرين، انت آخرك تشيل قصعة في الخرسانة، بتهدد النقابة انت عندك ميليشيا يا بيكا ولا إيه، انت جاى من مكان غلط وبتمثل عصر العشوائيات».
وفي فقرة أخرى، أشاد الإعلامي نشأت الديهي، بتنظيم الدولة المصرية لفعاليات أسبوع القاهرة للمياه في نسخته الثانية، لمناقشة أزمة نقص المياه وندرتها
وقال الديهى، خلال حلقته ببرنامج بالورقة والقلم، المذاع على قناة TEN، «الحديث حول مياه النيل يؤكد أن الشعب المصري بيتضافر وبيجتمع وراء رئيسه، لأنه شعب عاقل وفاهم».
وأضاف مقدم برنامج بالورقة والقلم، سد النهضة أن سد النهضة يعد المسألة الأخطر التى تواجه الدولة المصرية بعد حرب أكتوبر، لأن هذا الأمر قصة حياة بالنسبة للشعب، مطالبا بضرورة الاستفادة من مياه الأمطار خلال هذا الشتاء.
وتابع الديهي، «القلق ظاهرة صحية ووطنية وتساعد على لم شمل المجتمع المصري، بس مش اي حد يتكلم فى أزمة السد، لأن في ناس كتير مش فاهمة اللي يتكلم لازم يكون فاهم حتى يستطيع أن يناقش ويتحدث»
وأكمل مقدم برنامج بالورقة والقلم، «لدي قلق كل المصريين لكن انظر الي الأمر في النهاية وأنا مطمئن، ونهاية أزمة سد النهضة في مصلحة الشعب المصري، واثق بلا حدود فيما يدير هذا البلد».
