رئيس التحرير أحمد متولي
 ريهام سعيد تصف الصحفيين بقطّاعين الأرزاق: «حرام عليكو هيجي يوم وتتحاسبوا فيه» (فيديو)

ريهام سعيد تصف الصحفيين بقطّاعين الأرزاق: «حرام عليكو هيجي يوم وتتحاسبوا فيه» (فيديو)

دافعت ريهام سعيد عن أسما نجلة الفنان شريف منير لما تعرضت له من انتقادات وهجوم خلال الفترة الأخير بعد وصفها للشيخ الشعراوي بالمتطرف.

وذكرت ريهام سعيد عبر قناتها على يوتيوب: «أنا مش هقول رأي في اللي قالته أسما بس كل الحكاية اللى بيحصل في المواقع الصحفية حكاية سخيفة اوي وهي اسما قالت على صفحتها الشخصية وخلصنا.. لكن المواقع اللي بتعمله ده مش آدمي.. يعني ايه تقولوا الشيخ الشعراوي متطرف من وجهة نظر شريف منير».

وأضافت ريهام سعيد: «يا جماعة الصحفيين دول هيجي يوم ويتحاسبوا فيه على الأرزاق اللى بتقطعوها دي والنفسيات الى انتو قاعدين تدمروها دي».

ووجهت رسالة في نهاية الفيديو المنشور عبر قناتها على يوتيوب: «خلوا عندكم ضمير شوية مش كل لما الدنيا تهدى تولعوها.. الرحمة شوية».

أسما شريف منير تصف الشعراوي بالتطرف 

وقبل أيام، وصفت الإعلامية أسما الشريف، نجلة الفنان شريف منير الشيخ محمد متولي الشعراوي بالتطرف، مؤكدة أنها كانت تتابع دروسه في صغرها لكنها تفاجأت بعد ذلك أن دروسه مليئة بالتطرف.

البداية عندما نشرت على صفحتها الشخصية استفسارا لمتابعيها وقالت: «صباح الخير، عايزة آخد رأيكم في حاجة، بقالي كتير مش عندي ثقة في أغلب الشيوخ، كتير منهم مدعين ويا متشددين أوي يا خلطين الدين بالسياسة، نفسي أسمع حد معتدل محترم معلوماته مش مغلوطة، لسه في حد كده».

ورشح لها عدد من المتابعين فيديوهات الشيخ محمد متولي الشعرواي الذي كان يقيم جروسا دينية لعوام الشعب وحاز على شعبية وجماهيرية عالمية.

وردت أسما شريف منير على المتابعين: «طول عمري كنت بسمعه زمان مع جدي الله يرحمه، ومكنتش فاهمه كل حاجه، لما كبرت شفت كام فيديو مصدقتش نفسي من كتر التطرف، كلام فعلا ما عرفتش استوعبه.. حقيقي استغربت».

وأثار رد نجلة الفنان شريف منير الجدل على مواقع التواصل الاجتماعي بعد وصفها دروس الشيخ محمد متولي الشعراوي بالمتطرفة.

اعتذار أسما شريف منير

واعتذرت الإعلامية وخبيرة التجميل أسما شريف منير، ابنة الفنان والممثل شريف منير، عن وصف الشيخ الشعراوي بالتطرف.

وبعدما أثار الوصف غضبا على السوشيال ميديا سارعت بالاعتذار قائلة: «حصل بينى وبين شخص حوار اسأت فيه التعبير عن اللي عايزه أقوله و حساه، اتفهم فهم كلامى علي انى انتقد فضيلة الشيخ متولي الشعراوى انا بتكلم من غير ما بحسب كلامي و انا مقصدش باي حال من الاحوال اني اغلط أو يوصل كلامي بشكل غلط كده ، انا مش بقيم فضيلة الامام ، انا عموما عمري ما احب اغلط في حد..و انا باعتذر جدا جدا عشان لم استطع ان احسن التعبير واختيار الكلمات الصحيحة وده يمكن عشان لسه بتعلم و ده عن عدم ادراك انا لسه بتكلم علي طبيعتي زي اول يوم قررت اني اظهر علي السوشيل ميديا، بس دلوقتي لازم اخد بالي من كل كلمه بقولها عشان كل حاجه بتتحسب عاليا و ده جديد عليا ، و كل مافي الموضوع اني كنت بدور عن مرجع دينى و دروس دينية عشان افهم بشكل مبسط و عشان افهمه كنت محتاجه حاجه تناسب استيعابي ، و الشيخ الشعراوى أعمق من قدراتى لأني في حاجات فعلاً مفهمتهاش، وانا مبتدئة بحاول اتعلم و اقرب اكتر من ربنا، و عموما انا بعتذر فعلا عن ذلت لساني وكلمتى..و حقيقي انى اكن للشيخ الشعراوى كل احترام وتقدير رحمه الله وجزاه كل خير... و ربنا عالم نيتي ايه».

منار بحيري

منار بحيري

صحفية مصرية، حاصلة على قسم الإعلام بكلية الآداب وتتابع أخبار جامعة بنها